Dano milion mapol gito mwaka ki mwaka macalo adwogi me can malit pien nongo gitye ki neto nyo two. Kadi bed ni i but lobo ka mukene dano gulony ento pol pa dano pud can odiyogi adada. Baibul wacci can obedo gin ma ocako diyo dano wacon dok pud tye ka medde.—Kwan Jon 12:8.

Me giko can, mitte ni loboni lung obed ite gamente acel keken ma twero poko lonyo me lobo-ni marom i cing dano ducu. Gamente ma kit meno bene myero ogik lweny ma tye ka kelo can tutwal-li. Lubanga ocikke me kelo gamente ma kit meno.—Kwan Daniel 2:44.

Lubanga ocimo Wode Yecu me loyo dano ducu. (Jabuli 2:4-8) Yecu bilaro jo ma piny obwoyogi dok bijuko uno dano kacel ki tim bwami.—Kwan Jabuli 72:8, 12-14.

Yecu bikelo kuc kacel ki ber bedo i twok lobo lung pien kitito con ni en aye “Laloc ma kelo kuc.” I kare meno, dano ducu ma gibikwo i lobo gibibedo i pacigi, ginongo mit pa tic, dok cam bibedo mapol ata.—Kwan Icaya 9:6, 7; 65:21-23.