Hwenu Yesu le nyigban jiɔ, élɔn agbetɔwo sugbɔ. Lɔnlɔn gangan cɛ wɛ mɔ ésɔ yi gbe sa vɔn do ta nɔ wo. (Matie 20:28; Ʒan 15:13) Sabaɖe yɛɔ, ágbedasɛ lé elɔn agbetɔwo, hwenu azan acɛ ci eɖo yí nyi Efyɔ nɔ Mawu Fyɔɖuxu lɔ asɔ “a ɖote ahwawo le afi ɖekpokpwi le nyigban ji.”​—Ehajiji Wema 46:9.

 Kpɔ lé Bibla dre enu ciwo Yesu awa ɖa:

•   “Mìwo fyɔ kpenɔdo amɛ klekliwo nu. Mìwo fyɔ kpenɔdo wamɛnɔwo koɖo amɛ klekliwo nu. Wamɛnɔwo koɖo amɛ klekliwo godo nu. Efyɔ lɔ lé wo do agbe. Efyɔ lɔ ahwlɛn wo gan le amɛ kpotu ciwo yí tekpɔ a do vevisese lanmɛ nɔ wo shi. Wamɛnɔ lɔwo gbewo nyi enu vevi nɔ efyɔ” lɔ.​—Ehajiji Wema 72:12-14.

 Lé mìawɛ ado akpe nɔ Yesu, nɔ enu ciwo pleŋ ewa nɔ mì koɖo ciwo yí kpɔtɔ avawa nɔ mìɔ? Le Luiki 22:19 mɛɔ, Yesu nu nɔ yi dokplɔtɔwo mɔ wo le ɖonɔ ŋwi ye ku lɔ. Kɔcɛɔ, Yehowa Kunuɖetɔwo abɔ doju yí aɖo ŋwi yi ku lɔ. Mìsɔ jijɔ yɔkɔ eo nɔ nàvanɔ ju koɖo mì yí mìawa wana ci yí nyi Eŋwiɖoɖo Yesu ku, le Kwɛshilagbe 24 Mars 2024.

Kpɔ Fini Woawa Eŋwiɖoɖo Lɔ Le