መሥሪያ ቤታችንን ለመጎብኘት አስቀድመህ ቀጠሮ ማስያዝ ይኖርብሃል? አዎ። መጨናነቅ እንዳይፈጠርና ሁሉም ጎብኚዎች ዘና ብለው እንዲጎበኙ ለማድረግ ሲባል የሚመጡት እንግዶች በሙሉ (በጉብኝት ቡድኑ ውስጥ ያሉት ሰዎች ብዛት ምንም ያህል ቢሆን) አስቀድመው ቀጠሮ ማስያዛቸው አስፈላጊ ነው። ከመምጣትህ ቢያንስ ከአንድ ሳምንት በፊት ቀጠሮ አስይዝ። የምትጎበኘው በበዓል ወይም ትምህርት በሚዘጋባቸው ቀናት ከሆነ ደግሞ ከዚያም አስቀድመህ ቀጠሮ እንድታስይዝ እናበረታታሃለን።

አስቀድሞ ቀጠሮ ያላስያዘ ሰው መጎብኘት ይችላል? አስቀድመህ ቀጠሮ ካላስያዝክ መሥሪያ ቤታችንን እንድትጎበኝ ዝግጅት ማድረግ አስቸጋሪ ይሆናል። ካለው ቦታ አንጻር በአንድ ቀን ውስጥ ማስተናገድ የምንችለው የተወሰነ ቁጥር ያላቸውን ጎብኚዎች ብቻ ነው።

ለጉብኝቱ ስንት ሰዓት መድረስ ይኖርብሃል? መጨናነቅ እንዳይፈጠር ከቀጠሮህ ከአንድ ሰዓት በላይ ቀድመህ ባትመጣ ጥሩ ነው።

የጉብኝት ቀጠሮ ማስያዝ የምትችለው እንዴት ነው? በጉብኝት ቡድኑ ውስጥ ያሉት ሰዎች ብዛት 20 የማይሞላ ከሆነ “የጉብኝት ቀጠሮ አስይዝ—ቁጥራቸው 20 የማይሞላ ሰዎች” የሚለውን ጠቅ አድርግ። ካልሆነ ግን “የጉብኝት ቀጠሮ አስይዝ—20 ወይም ከዚያ በላይ ሰዎች” የሚለውን ጠቅ አድርግ።

ያስያዝከውን የጉብኝት ቀጠሮ መቀየር ወይም መሰረዝ ትችላለህ? አዎ። “የጉብኝት ቀጠሮህን ተመልከት ወይም ቀይር” የሚለውን ጠቅ አድርግ።

ለጉብኝት በመረጥከው ቀን ክፍት ቦታ ባይኖርስ? ለውጥ መኖሩን ለማየት አዘውትረህ ድረ ገጹን ተመልከት። የጉብኝት ቀጠሮዎች ሲቀየሩ ወይም ሲሰረዙ ክፍት ቦታ ልታገኝ ትችላለህ።

13893 Highway 7

GEORGETOWN, ON L7G 4S4

CANADA

+1 905 873 4100