Jioba iweek ibe eji ekween̄ mkpọ ofolek ototun̄ ukan̄ kan̄ me emen inyọn̄. Ototun̄ ukan̄ yi igọbọ ebi osat, ebi ekigwen “bọn ebirieen̄ Awaji.” (Ibebene 6:2; Jobu 38:7) Keke ke Baibul otumu ofolek ebi osat? Kpasi mgbaan̄ ke ema ekaan̄ me lek ebilene? Ire otutuuk ebi osat ere ebi ototun̄ ukan̄ Awaji ni?

1. Ebi owa ere ebi osat?

Jioba irom ebi osat sabum inirom inyọn̄ ijọn̄ yi. Kubọk Awaji, ema ire ebi ekwukwu kpekisa chieen̄ imun̄ ikiluk me emen inyọn̄. (Ebi Iburu 1:14) Efie efie ebi osat emaan̄, ema si ekup esese esese. (Ichichili 5:11) Ema ire ebi “ìkirọ otu ikọ [Jioba], mè ikigban̄ utọn̄ me ida ikọ kan̄.” (Okwa Itọn̄ 103:20) Me ukot ikaan̄, usini mgbọ, Jioba ikiria ebi osat ibe esi elook etip, etap ubọk enyi mè enyan̄a ebi eyi kan̄. Me chereyi, ebi osat ekitap ubọk inyi ebi eyi Karais inyi ema ekọt emun̄ ebi ikiweek ikwekween̄ mkpọ ofolek Awaji.

2. Ebi owa ere Setan mè ebi ijo ekwukwu kan̄?

Usini ebi osat kpegbe utoon̄-ejit inyi Jioba. Adasi ogwu osat okpakpaka ibot ire ogwu “ekigwen Yọk mè egwen si Setan, ogwu òfafiaan̄ otutuuk ebi linyọn̄ inyi eje elọ oniin̄.” (Ichichili 12:9) Setan iweek irere ogwu obokikpulu ebi ofifi ife, eya orọ irọbe ibe Adam mè Îfu mè usini ebi osat egọọk ọmọ ekpaka ibot. Ebi osat cha ikpakpaka ibot ke ekigwen ebi ijo ekwukwu. Jioba ilap ema isibi me emen inyọn̄ ito me inyọn̄ ijọn̄ yi, mofiat ema si me mgbọ okinu me isi.—Fuk Ichichili 12:9, 12.

3. Ike owa ke Setan mè ebi ijo ekwukwu ekisa ifiaan̄ eji?

Setan mè ebi ijo ekwukwu ekifiaan̄ owuwa ene ibe ekegọọk ema erọ mkpọ, kubọk ikekigọọk ema ikpa usem. Kubọk inu njeen̄, usini ene ekisi lek ebi ikisa ntoronyan̄ ido ido-inu, ebi ikibum ibot ilaak, ebi ofia yọk, mè ebi ikup ikecha. Usini ene si ekiweek igwagwa eyi okaan̄ mgbaan̄ me lek ebi ijo ekwukwu. Ekifiaan̄ si ebi ene ibe echieek ibe ke ema mekọt igọọk ebi ikwakwaan̄ ikpa usem. Ire, Jioba itaba eji ubọk me utọn̄ ibe: “Kasi lek ebi nriran ekwukwu jom-jòm ìsi ìdo inu. Kasisi si lek ebi yọk-ofia ibe ekpa ufialek kwun̄ enyi owu.” (Libitikọs 19:31) Jioba inyi eji ntaba-ubọk-me-utọn̄ yi isasa ibem eji me ubọk Setan mè ebi ijo ekwukwu. Ema ire ebi ochicha Awaji ikiweek isasak eji unan.

 KWEEN̄ GBAALEK

6. Kitim gak Setan mè ebi ijo ekwukwu

Setan ore ogwu ibot ebi ijo ekwukwu. Ire, ebi osat ikigbe utoon̄-ejit ekup me irak ogwu ibot ebi osat ekigwen Maiken, orere, ofifi erieen̄ kè Jisọs. Ike owa ke Maiken onye lek ire? Fuk Ichichili 12:7-9, mè igbaan̄ ikpa idodo chi:

• Ebi owa enye lek igak ge, ire Maiken mè ebi osat kan̄ sa ire Setan mè ebi ijo ekwukwu kan̄?

• Keke ore nkeek kwun̄, ire igbe ibe ebi ikigọọk Jisọs etet ukpook me lek Setan mè ebi ijo ekwukwu kan̄ ni?

Owu mokọt itim igak Setan mè ebi ijo ekwukwu kan̄. Fuk Jemis 4:7, mè igbaan̄ ikpa idodo yi:

• Ike owa ke obosa ibem lek kwun̄ isan̄a me ubọk Setan mè ebi ijo ekwukwu kan̄?

 ME MGBIDIM

Ebi osat igbegbe utoon̄-ejit ekitap ubọk inyi eji. Setan mè ebi ijo ekwukwu kan̄ ire ebi ochicha Jioba, ema ekifiaan̄ ebi ene ibe ekegọọk ema erọ mkpọ.

Idodo

• Ike owa ke ebi osat Jioba ekisa itap ubọk inyi ebi ene ekween̄ mkpọ ofolek kan̄?

• Ebi owa ere Setan mè ebi ijo ekwukwu kan̄?

• Keke orọ eji ebekijit igọgọọk ebi ijo ekwukwu irọ mkpọ?