KIMELÜN 11
¿Chumngechi kellukeiñmu Chaw Dio tañi ngülam?
1. ¿Chemu duamiiñ taiñ ngüyulngeal?
¿Chumngechi Biblia ñi ngülam kellueiñmu taiñ kuñiwtukuwal? (SALMO 36:9)
Jewba, taiñ Chaw ka taiñ Dewmaetu, doy kimi iñchiñ mu. Kidu piwkeyeiñmu ka duamneiñmu. Chaw Dio dewmalaiñmu taiñ kidutu werküwal iñchiñ (Jeremías 10:23). Püchükeche duamni tañi chaw ka ñuke tañi ngüyulaetu, ka bemngechi kom iñchiñ duamniiñ Chaw Dio taiñ ngüyulaetu (Isaías 48:17, 18). Chaw Ngünechen elueiñmu kiñe müna küme dungu: Biblia tañi ngülam taiñ kelluaetu. Papiltunge 2 Timotew 3:16.
Jewba tañi werkün dungu ka tañi ngülam kimeleleiñmu chumngechi doy küme mongeleal. Kabey pengeleleiñmu chumal taiñ nieal kümeke dungu abnoalu, küpalechi antü mu. Kidu dewmaiñmu, beymu ayüwün mu inaaiñ tañi eypin. Papiltunge Salmo 19:7, 11, ka Apokalipsi 4:11.
2. ¿Chumngechi ngüyulneiñmu Chaw Ngünechen tañi Dungu?
Kiñeke rüb dungu mülelu Biblia mu, elukeiñmu ngülam taiñ kimal chem ayüki Chaw Dio taiñ bemal billke dungu mu. Kiñeke werkün dungu eypieiñmu taiñ chumal ka taiñ chumnoal (Deuteronomio 22:8). Taiñ küme kimal chumngechi inaal kiñe ngülam, küme rakiduamaiñ (Proverbios 2:10-12). Biblia kimelki tüba: tati mongen kiñe müna küme dungu taiñ eluetu Chaw Dio. Tübachi rüb dungu elukeiñmu ngülam taiñ küme amuleal chew taiñ küdawken, ruka mu, ka kañpüle amuliiñ, rakiduamelkeiñmu taiñ kuñiwtukuwal. Papiltunge Hecho 17:28.
3. ¿Chuchi am epu doy manelbalchi werkün dungu?
Jesu kimeli epu werkün dungu doy manelbalngelu. Unen, pengeleleiñmu chemu dewmangiiñ iñchiñ: taiñ kimabel Chaw Ngünechen, piwkeyeabel ka poyeabel nor piwke mu (Proverbios 3:6). Pu inanebilu tübachi werkün dungu, weniyeabingün Chaw Dio, rüb ayüwküleayngün ka abnochi mongen (umel mongen) nieayngün. Papiltunge Matew 22:36-38.
Ka werkün dungu kellukeiñmu taiñ küme yenewal kake che mu (1 Korintio 13:4-7). Inabiliiñ, inayentuabiiñ Chaw Dio tañi chumngen tati pu che mu. Papiltunge Matew 7:12, ka 22:39, 40.
4. ¿Chumngechi kellukeiñmu Chaw Dio tañi ngülam?
Ngülam tripalu Biblia mu, kelluabeymu tami piwkeyewal ka kiñewküleal tami pu che eymün (Kolosense 3:12-14). Kiñe eypin, kurewen tañi mür müleal kom tañi mongen mu, beymu tübachi ngülam kuñiwtuneki tami pu che. Papiltunge Génesis 2:24.
Inaal Biblia tañi ngülam, kelluaiñmu taiñ nieal billke yewün taiñ duamnel ka taiñ küme duamküleal. Bentren che wülkelu küdaw ayüki tañi nieal kümeke küdawbe, weñebe ngenolu ka inanebilu ngülam Biblia mu tripalu (Proverbios 10:4, 26; Ebrew 13:18). Chaw Dio ñi Dungu kimeleleiñmu taiñ ayüwküleal chem taiñ duamnel mu müten ka doyümabel taiñ weniyeabel Chaw Ngünechen. Papiltunge Matew 6:24, 25, 33, ka 1 Timotew 6:8-10.
Ngülam tripalu Biblia mu, kellukeiñmu taiñ kutrankülenoal. Chaw Dio tañi werkün dungu eypilelu taiñ ngollikawnoal, kuñiwtukueiñmu taiñ weda upanoal kutran ka lan dungu mu (Proverbios 14:30; 22:24, 25; 23:20). Jewba elukeiñmu taiñ pütoal pulku, welu püchün müten (Salmo 104:15; 1 Korintio 6:10). Ngülam tripalu Biblia mu kellukeiñmu inaduamal taiñ bemken ka rakiduam, beymu müna kümeke ngülam ngi (Salmo 119:97-100). Welu pu rübngechi kristiano yamkelabiiñ Biblia ñi ngülam taiñ küme beleal müten, doy may yamkebiiñ taiñ wenupüramabel Chaw Ngünechen Jewba. Papiltunge Matew 5:14-16.
Peabüimi ka bemngechi dungu:
IÑCHIÑ TAIÑ DUNGU
Tami pemengeal
Ngütramkaabüimi kiñe dungu Biblia mu tripalu kiñe dungukelu iñi ngen Jewba eimu. Kabei doi kimabüimi iñchiñ taiñ dungu.
