Tati meli Evangelio feipi ñi mülequefel quiñe huentru Juan ti Fautizachefe feipingequefulu, ñi amuldungun meu feipi Chau Ngünechen tañi ngünenietual ti Mapu, Judea troquiñ mapu mu. Tati pu che nütramcaquelu cuifique dungu, ¿rüfngei mai piqueingün Biblia ñi nütramcael tüfachi huentru mu? Rüfngei llemai:

•   Biblia feipi: ‘Peufaluhui ta Juan ti Fautizachefe Judea tañi huellin mapu meu.  Fei ta famngechi feipi tañi hueupin: “¡Huiñoraquiduamtumün tamün huiñotual ta Ngünechen meu, deu fülpalu am ta Ngünechen tañi ngünenietual ta Mapu!”’ (Mateo 3:1, 2). ¿Mülepei mai ca dungu religioso ngenolu tañi nutramcapeel tufachi dungu mu? Mülei llemai.

   Quiñe huentru Flavio Josefo nütramcaquelu cuifique dungu ti hunen siglo mu. Quisu huirintucui ñi mülequefel quiñe huentru “Juan, ti Fautizachefe üitucungelu”, “ngülamtuquefulu tati pu judio ñi nor mongen yenieal”, “feyentuafiel ta Ngünechen”, ca femngechi “tañi fautizahurpual engün” (Antigüedades judías, libro XVIII).

•   Biblia feipi ta Juan ñi ngüfetufiel tati lonco ülmen Herodes Antipas, tati ngüneniequefulu Galilea ca Perea troquiñ mapu. Herodes feipiquefui ñi judio tuhun⁠-⁠ngen ca ñi inaquefiel Moisés tañi Ley dungu. Juan feipifi ta Herodes ñi cümenon ñi müntuñmafiel ñi domo tañi peñi (Marcos 6:18). Ca dungu religioso ngenolu ca nütramcai tüfachi dungu.

   Josefo ca feipi Antipas “rume ayüfi ta Herodías” ca “feipi cütu tañi nieafiel”. Herodías ayüi ñi feipieteu, feimu elcünui tañi füta fei ñi niehual Antipas engu.

•   Biblia feipi ‘Jerusalén müleyechi pu che ca fentren che tati mülelu Judea tañi troquiñ mapu meu ca fülcüleyechi troquiñque mapu ta Jordán leufü püle, tripapai engün ñi allcütual ta Juan. Fei Juan fautizafi ti pu che tati Jordán leufü meu’ (Mateo 3:5, 6).

   Josefo ca feipi tüfachi dungu. Feipi ta “rume fentren che” amui ñi pemeafiel ta Juan, fei “rume afmatulehuequefuingün allcütufiel Juan tañi hueupiquefel”.

 Flavio Josefo tañi nütramcael fütra cuifi mu, pengeli Juan ti Fautizachefe ñi rüf mongelequefel ta cuifi. Iñchiñ ca femngechi mupituafuiñ.