Pu Dunguquelu Ineingen Jehová femquei falin cüdau ñi quelluafiel ta che doi 200 pais mu. Huelu 35 troquiñ müten niei tañi culliñmayam ñi gasto. Feimu feichi troquiñ pofrelelu, ¿chumquei taiñ pu peñi ñi culliam ti gasto?

 Tati Quiñeucülechi Ngünenielu ngüneduamquei chem ñi duamnieel pu peñi, pu lamngen com Mapu püle, femngechi ñi püramyeafiel ta Jehová ca ñi amuldungual. Tati lloungequeelchi plata cuñihun-ngechi pünengequei. Quiñe Betel lloule doi fentren plata, sofrale eluafui ta caquelu Betel. Femngechi femquefui cuifi meu. Tati hunenque cristiano quisuque ñi duamnieelchi plata eluquefuingün pu peñi doi pofrelelu, femngechi ñi trürcüleal ñi mongen engün (2 Corintios 8:14).

 ¿Chum duamquei pu peñi ñi quellungen mu? Tanzania mapu mu, pu peñi niequefuingün epe 2.000 peso chileno müten ñi rulpaantüal engün. Llohuingün plata ñi cüme elcünutuafiel ti trahunhue ruca Mafinga mu. Pu peñi tüfachi trahunche mu feipingün: “Feichi ñi cüme elngetun müten ti trahunhue ruca, doi fentren che trahuluuquei. Rume mañumniefiyiñ Jehová ñi troquiñche ca com pu peñi, pu lamngen tañi cüme piuquengen mu. Feula nieiñ quiñe cüme ad troquiñ ñi püramyeafiel ta Jehová”.

 Pandemia ñi duam mu pu peñi, pu lamngen Sri Lanka mapu mu nehue nielafuingün iyael. Huelu ñi trampümngeel caquelu pais mu huercülelngei quellu, femngechi llohuingün tañi duamnieel engün. Fei mu mülei taiñ lamngen Imara Fernando ca tañi pichiche Enosh. Fei fente tañi mañumcülen mu, deumaingu quiñe tarjeta, fei huirintucuingu: “Mañumniefiyiñ pu lamngen pengeleleiñmu fente tañi piuqueyen tañi rupamequen mu cüdaungechi antü meu. Rume ayüucüleiñ taiñ coneltulen tüfachi familia meu. Amulei taiñ llellipun com taiñ pu peñi, pu lamngen mu Jehová ñi quelluaeteu engün tüfachi afaelchi antü meu”.

 Cheu rume mülefule taiñ pu peñi, ayüleingün tañi quelluntucual. Enosh cütu püntucünui quiñe pichi caja ñi ngülüman ta plata, femngechi ñi quelluntucual pu doi duamnielu quellu. Cafei Guadalupe Álvarez ca hulquei cüme piuque meu. Quisu mülei quiñe troquiñ püle México meu. Üye mu pu che nehue nielai ta plata, caquelu llouquei pichique cullitu müten. Huelu quisu chumquei rume tañi quelluntucual. Guadalupe feipi: “Mañumniefiñ ta Jehová tañi piuqueyechen ca tañi fürenechequen. Iñche tañi hulqueel ca caquelu lamngen ñi hulqueel com trapümngele, quelluafi tati pu duamnielu”.

 Tati pu Betel huercüquelu plata caque pais meu rume ayüucüleingün. Quiñe peñi Anthony Carvalho pingei coneltulei ti troquiñche adcünuquelu Betel Brasil mapu mu. Quisu feipi: “Fentren tripantu mu, caquelu Betel quelluquefeiñmu. Tachi quellun mu, doi tremcülei Jehová ñi cüdau Brasil mapu mu. Feula caletui taiñ mongen, doi nietuiñ plata, femngechi quelluafuiñ caquelu pais duamnielu quellu. Pu peñi quimtucuniei tati amuldungun cüdau ñi femngeal com chüf Mapu meu. Ca quimnieingün ñi quelluntucual Jesús ñi cüme discipulongen mu”.

 Pu Dunguquelu Ineingen Jehová, ¿chumngechi quelluafui tañi pu peñi duamnielu quellu? Quisuque iñchiñ mandalel-layafiyiñ plata caquelu Betel mu, doi mai hulaiñ ta plata ñi femngeal Jehová ñi fillque cüdau huall Mapu meu. Femngechi quellungeaingün taiñ pu peñi doi duamnielu quellu huall Mapu meu. ¿Chumngechi femafuiñ? Iñchiñ tucuafuiñ plata caja mu mülelu trahunhue ruca mu, “Obra mundial” pingelu. Ca huercüafuiñ plata tüfachi pagina mu donate.dan124.com. Com tami hulqueel rume falin-ngei.