Biblia toqet jisktʼanaka
¿Jiwatanakajj jaktanipjjpachäniti?
Jehová Diosaw ‘jakañ churirejja’ (Salmo 36:9, NM). Ukhamasti Jupa sapakiw khitinakatï jiwawayapki ukanakar wasitampi jakañ churaspa. Ukajj jutïrinwa phoqasini sasaw Bibliajj sistu. (Hechos 24:15 liytʼäta.) ¿Kunatsa Diosajj jiwatanakar jaktayañ munpacha?
Jaqenakajj wiñayatak jakasipjjaspa ukwa Diosajj munäna (Génesis 1:31; 2:15-17). Uka amtapajj pachpakïskiwa. Akapachan jan walin phoqantata ukat jukʼak jakatas uñjasajja, Diosajj wal chuymap ustʼayasi. (Job 14:1, 14, 15 liytʼäta.)
¿Jaktanirinakajj kawkhansa jakapjjani?
¿Diosajj alajjpachan jakapjjañapatakiti jaqenakar lurawaypacha? Janiwa. Cheqas angelanakaruw alajjpachan jakapjjañapataki luräna, jaqenakasti Oraqen jakasiñatak luratätanwa (Génesis 1:28; Job 38:4, 7). Amuytʼañataki, Jesusajj jaktaykäna uka jaqenakajja, ¿kawkinsa jakasipjjäna? Aka Oraqenwa jakasipjjäna. Ukhamarakiw walja jaqenakampejj jutïrin pasani, jupanakajj aka Oraqenwa jakasipjjarakini. (Juan 5:28, 29; 11:44 liytʼäta.)
Ukampis Diosajj jaqenak taypitwa mä jiskʼa tamaru alajjpachan jakapjjañapataki ajlliwayi, ukansti ajay cuerponïpjjaniwa (Lucas 12:32; 1 Corintios 15:49, 50). Jupanakajj Jesusamp chikaw aka Oraqer apnaqanipjjani. (Apocalipsis 5:9, 10 liytʼäta.)