Kaat Éfésô 5:1-33
5 Jon, yilnana banigle Nyambe+ kiki bon a ngwés,
2 kena ki ni bisu i niñ* ikété gwéha+ nlélém kiki yak Kristô a bi gwés bés,*+ a ti nyemede inyu yés* kiki likébla ni sesema bi bi numbul Nyambe loñge njiñ.+
3 Ba sima yaga bañ malal ma nyega,* to mintén mi nyega nwominsôna, to hép ipôla nan,+ hala nyen a kôli ni bapubhaga;+
4 to maboñok ma nwéha nyuu, to bipôdôl bi bijôñ, to minjôha mi mahindi,+ mam ma ma kôli bé, ndi ni tinak ndik Nyambe mayéga.+
5 Inyule ni nyi hala, bébomede ni neebege ki hala, le mut malal ma nyega,*+ to mut nyega, to mut huluk ñem,+ hala wee mut a mbégés bisat, a gwé bé ngababum ikété Ane i Kristô ni i Nyambe.+
6 Mut to wada a lôk bañ bé ni biyôglô bi mam, inyule inyu mintén mi mam mini nyen hiun hi Nyambe hi yé i lo i ngii bon ba ngimanôgla.
7 Jon ni yoñ bañ ngaba yo ki yo ni bo;
8 inyule ni bé i jiibe i ngéda bisu, ndi nano ni yé mapubi+ inyule ni gwé maada lôñni Nwet.+ Jon kena ni bisu i hiôm kiki bon ba mapubi,
9 inyule litam li mapubi li yé i bana ñem nlam ikété mam momasôna, lôñni telepsép ni maliga.+
10 Kena yaga ni bisu i tibil wan i mam ma nlémél+ Nwet;
11 ni yoñ ha bañ ngaba ikété minson mi jiibe mi mi num bé matam malam,+ ndi yeelana nwo.
12 Inyule i mam ba mboñ bisôsôli, to i sima mo i nwéhna nyuu.
13 Ndi mapubi mon ma nyelel* mam momasôna, inyule mam momasôna ma nyeli ma yé mapubi.
14 Jon i nkéla le: “Tôde, a we nu u yé ’ilo, nyodi ikété bawoga,+ ha nyen Kristô a’ béyéi we.”+
15 Jon yoña yaga yihe bañga liyoñok le ni boñ bañ mam* kiki bijôñ bi bôt, ndi kiki bôt ba pék,
16 ni tiblak yaga gwélél ngéda nan*+ inyule dilo di yé dibe.
17 Inyu hala nyen ni waa ba bijôñ bi bôt, ndi kena ni bisu i nok kii i yé sômbôl i Yéhôva.*+
18 Ni hiôô bañ to wai+ inyule i nkena i mpuñgu,* ndi kena ni bisu i ba nyonok ni mbuu mpubi.
19 Ni podok bé ni bé* ni tjémbi di bibégés, ni béghak Nyambe lôñni tjémbi di mbuu;+ ni tôbôk, bébomede ni kôdôk nsik+ ikété miñem minan inyu Yéhôva,*+
20 ni tinak Nyambe wés ni Tata wés mayéga+ ngéda yosôna inyu mam momasôna i jôl li Nwet wés Yésu Kristô.+
21 Suhlana bébomede, hiki mut isi nuu numpe,+ ikété woñi u Kristô.
22 Bôda* ba suhus bomede isi balôm+ bap wengoñle isi Nwet,
23 inyule nlôm nyen a yé ñane nwaa+ ndik kiki Kristô a yé ñane likoda,+ a bak ki ntohol nu nyuu ini.
24 Ni maliga, kiki likoda li nsuhus jomede isi Kristô, hala nyen yak baa ba nlama suhus bomede isi balôm bap ikété mam momasôna.
25 A balôm, kena ni bisu i gwés baa banan,+ ndik kiki yak Kristô a bi gwés likoda, a sem ki nyemede inyu likoda,+
26 le ndi a téé jo lipubhaga, a pubus jo ni malép ma bañga i Nyambe,+
27 inyu boñ le nyemede a tehe le likoda li mbai, li gwé bé to liton li mahindi, to manyeda, to mintén mi mam kiki mi,+ ndi li bak lipubhaga ni ngi mahindi.+
28 Hala nyen yak balôm ba nlama gwés baa bap kiki manyuu map bomede. Ibale munlôm a ngwés nwaa, wee a ngwés nyemede,
29 inyule mut to wada a ma oo bé nyuu yé nyemede;* ndi a njés yo, a yoñok ki ngéda ni yo, kiki Kristô a mboñ inyu likoda,
30 inyule di yé bijô bi nyuu yé.+
31 “Inyu hala nyen munlôm a’ yék isañ bo nyañ, a adbe* nwaa wé kayéle bo iba b’a ba nsôn wada.”+
32 I jimb lipubi+ lini li yé likeñi. Ndi me yé i pôdôl inyu Kristô ni likoda.+
33 To hala, hiki wada nan a nlama gwés nwaa+ wé kiki nyemede; ndi yak nwaa a nlama ti nlô wé njôôñ lipém.+
Ndoñi
^ Ni hop Grikia, “i kil.”
^ I nla ki ba, “bé.”
^ I nla ki ba, “inyu nan.”
^ Ni hop Grikia, “pornéia.” Béñge Ndoñi bibuk.
^ Béñge Ndoñi bibuk (Malal ma nyega).
^ Tole “ma nkodol.”
^ Ni hop Grikia, “ni hiôm bañ.”
^ Ni hop Grikia, “ni sombok ntéak ngéda.”
^ Béñge Ndoñi bibuk.
^ Tole “yubda.”
^ I nla ki ba, “ni pôdhak bébomede.”
^ Béñge Ndoñi bibuk.
^ Ni hop Grikia, “Baa.”
^ Ni hop Grikia, “nsôn wé nyemede.”
^ Tole “yégle ni.”
