Bingéngén 20:1-30
20 Wai i nwéhna nyuu,*+ maok ma mboñ le mut a nyai;+i mut a nwas le bi yumus nye a gwé bé pék.+
2 Hiun hi kiñe hi yé wengoñle mbondo njéé*+ i i nkônd,i mut a ñunbaha nye a nla nimis niñ yé.+
3 I mut a nkeñgle jomol a kôli ni lipém,+ndi bijôñ bi bôt bi nhoo jôp i jomol.+
4 Mut yeñgi a ntop bé sal i ngéda mbéñ,ndi i ngéda libumbul, a mbôdôl njagi inyule a gwé bé to yom.*+
5 Mahoñol* ma ñem mut ma yé kiki ndip malép,ndi mut nu a gwé yi nyen a ñap mo.
6 Ngandak bôt i nkadba le i gwé bañga gwéha,*ndi njee a nla léba mut nu a ntéñbe toi ikété gwéha yé?
7 Mut a téé sép a nkil ikété maliga mé.+
yak bon* bé ba ba nlo i mbus yé, ba yé bokimasoda.+
8 I ngéda kiñe i yii i yééne yé ane inyu kéés,+mis mé ma ntehe* bibéba bi mam gwobisôna.+
9 Njee a nla kal le: “Me bi pubus ñem wem;+me yé mpubhaga, me gwé bé béba”?+
10 Kilô i malôga ni hihéga le ba nhubus,*Yéhôva a ñoo gwo biba.+
11 To ibale a ngi yii mañge, maboñok ma mut ma ga undatoo a gwé bilem bilam, too a gwé bilem bibe.+
12 Ôô u u noga, yak jis li li ntehna,Yéhôva nyen a bi hek gwo biba.+
13 U gwés bañ ’ilo, tiga le u kwo liyep.+
Yibil mis moñ ndi w’a je bijek, u nuu.+
14 I mut a nsomb, a nkal le: “I ta bé ilam, i ta bé ilam!”
I mbus, a nke, a kadbaga le a nyi boñ bôm.+
15 Gôl i yé, yak tik ngok i tuye* i yé ngandak,ndi bibép bi bi gwé yi gwon bi yé toi nseñ.+
16 Ibale mut a mbép woo i tôl le a nsaa pil u nkén mut, yoñ mbot yé;+ibale a mboñ hala inyu nkén muda, yoñ bibep i nyeni.+
17 Bijek le mut a nkôhna ni malôga bi nél nye,ndi i mbus ngéda, nyo wé w’a yon ni njaga.+
18 I ngéda mut a mbat maéba, mam mé ma nke loñge,*+inyu jo gwét, i mbéda mut nu a ñéga mam loñge.*+
19 Mut minsohi a mbet, a nsôs, a yeelak mam a kôli bé pot;+u kiha bañ ni mut nu a ngwés hilégé.*
20 Nu a ntiihe isañ bo nyañ,lambe yé i ga lém i ngéda jiibe li nkôp.+
21 Ngababum le mut a nkôhna ni manjel mabei ga lona bé i mut nu bisai i dilo di nlo.+
22 U kalak bañ le: “Yak me m’a timbhe nye béba!”+
Bôdôl Yéhôva ñem,+ nyen a ga sôñ we.+
23 Yéhôva a ñoo litam li kilô li li téé bé sép,*to kilô i malôga i ta bé loñge.
24 Yéhôva nyen a ñéga mabal ma mut binam;+lelaa mut binam a yé le a yi njel yé nyemede?*
25 Hala a yé hiandi inyu mut ibale a mpala pot le: “Yom ipubhaga i!”+
ndi a yik hek pék, a ma mal ti likak.+
26 Kiki ba mbagal* bikôgôô lôñni blé,+hala nyen kiñe i i gwé pék i mbagal bibéba bi bôt.+
27 Nhébék u mut binam u yé lambe i Yéhôva,i i mbai ikétékété yé.
28 Loñgeñem* ni ñem maliga bi nsôñ kiñe;+lôñni loñgeñem nyen a ga lédés yééne yé ane.+
29 Lipém li boñge ba wanda li yé ngui yap,+yak ño mbu u yé bilama bi mimañ mi bôt.+
30 Ndôndôô* ni mbabaa bi mboñ le mut a nwas béba,*+yak disôô di nhéya mam mabe ikété ñem.
Ndoñi
^ Tole “Wai i nlona minjôha.”
^ Tole “man mbondo njéé nu a gwé liyéé.”
^ I nla ki ba, “a ga bem le a bumbul, ndi a ga bana bé to yom.”
^ Tole “Bipék.” Ni hop Lôk Héber, “Maéba.”
^ Ni hop Lôk Héber, “ndéñbe i gwés.”
^ Ni hop Lôk Héber, “bon bôlôm.”
^ Tole “nseghe.”
^ Tole “Matam ma kilô nya iba ni dihéga nya iba.”
^ Yon ba nsébél ni hop Pulasi le Corail. Béñge Ndoñi bibuk.
^ Tole “ma ntelep siñ.”
^ Tole “nu a ñéga mam ni pék.”
^ Tole “nu a nlop bôt ni hilémb hié.”
^ Tole “matam ma kilô nya iba.”
^ Tole “lelaa mut binam a yé le a yi imbe njel a kil?”
^ Tole “nseghe.”
^ Ni hop Lôk Héber, “ndéñbe i gwés.”
^ Tole “Minkôndga.”
^ Tole “i mpubus béba.”
