Hiôb 16:1-22
16 Hiôb a timbhe, a kal le:
2 “Me ma nok ngandak mam kiki mana.
Bébobasôna ni yé bahôgbaha ñem ba ba nkéba mbai!+
3 Baa bipopoda* bi ga mal?
Kii i ntinde we* i timbhe hala?
4 Yak me, me bak le me pot kiki bé.
Ibale bé bon ni bak me,me bak le me pot letee me kwés bé nkaa,me méglak ki bé ño.+
5 Ndi iloole me boñ hala, ki me nlédés bé ni bibañga bi nyo wem,yak hogbe i bibép gwem i mômôs+ bé.
6 Ibale me mpot, njôghe yem i nsôs bé,+ndi to ibale me mpot ha bé, baa njôghe yem i nhoi?
7 Ndi nano Nyambe a ntômbôs me;+a ntjé bôt bem ba ndap bobasôna.*
8 A* bi gwel yak me, bôt bape ba tehe hala,me nkôt ki ngandak kayéle bôt ba nhoñol le men me gwé njom.
9 Hiun hié hi bi pat me bipes bipes, a ñoo me.+
A njél me masoñ.
Ñoo wem a nun me ni mis mabe.+
10 Bôt ba bi nahal manyo map inyu ndegle me,+ba bép ki me mabai, ba yanak me;ba kodba bo ngandak inyu kolba me.+
11 Nyambe a nsem me i moo ma boñge bôlôm,a nleñ ki me i moo ma bibéba bi bôt.+
12 Me bé nwee, ndi a nyagat me;+a bi gwel me i mbus joo, a kahal kok me;me ki nyen a nyéñ leñ mpihlôñgô.
13 Baleñ mimpihlôñgô bé ba nkéña me;+a ntôp ditam+ tjem, a nkônôl bé to me ngoo;a mboñ le njôñlô yem i sôbi ’isi.
14 A nyilha me kiki libap, i het a ntôp mapondo, tôp ni tôp;a nkwél me i nyuu kiki njogwét.
15 Me bi kôñôl nsugut inyu hô kôgôô+ yem,me njô ki lipém jem.*+
16 Su wem u nkôyôp inyu ngandak maéya,+yak mis mem* ma nkôp yaga jiibe,*
17 to hala kiki moo mem ma njo bé sañ yo ki yo,yak soohe, me nsoohe ni ñem maliga.
18 A hisi, u hô bañ matjél+ mem!
To nlondok wem u bana bañ homa linôyôi!
19 To nano yaga, mut wem mbôgi a yé i ngii;nu a nla bôgôl me mbôgi a yéne i bahoma ba nyôgi.
20 Mawanda mem ma nol me hiol,+i ngéda gwiiha bi nkuli me i mis, i bisu bi Nyambe.*+
21 Ba bagal nkaa ipôla mut ni Nyambe,kiki ba mbagal nkaa ipôla bôt iba.+
22 Inyule ndék nwii ndik yon i ngi yii me;i mbus, m’a yoñ njel i nke i homa matémb ma ta bé.+
Ndoñi
^ Tole “bibañga bi bi yé ndik mbebi.”
^ Hala wee, Élifas.
^ Tole “i bôt bobasôna ba nkodba ni me.”
^ Ni hop Lôk Héber, “U.”
^ Tole “ngui yem.” Ni hop Lôk Héber, “toñ yem.”
^ Ni hop Lôk Héber, “bikôkôp gwem bi mis.”
^ Tole “jiibe li nyemb.”
^ I nla ki ba, “me nun Nyambe ni mis ma mut a nimis ’ilo.”