Tjémbi 83:1-18
Hiémbi hi Asaf.+ Ntuba.
83 Éé a Nyambe, u mom bañ nwee;+éé a Nyambe, u nii bañ hop,* u yén bañ nwee.
2 Inyule nun-ki, babala boñ ba nyôgbe;+ba ba ñoo we, ba mboñ mam ni ngôk.*
3 Ni mandon, ba ñudul litén joñ bipék bibe bisôsôli;ba uunege tik yoñ bôt* jimb.
4 Ba nkal le: “Loga, di tjé loñ+ yap,inyu boñ le ba bigda ha bañ Israel.”*
5 Ba ñôt minsoñgi mimbe ntôñ;*ba boñok malômbla inyu jôs we:+
6 mandap ma mabadô ma Édôm, ni Lôk Ismael, Môab+ ni Lôk Hagar,+
7 Gébal, Amôn,+ ni Amalek,bôt ba Filistia+ ni bôt ba nyééne i Tir;+
8 yak Asiria+ a ñadbe bo;bobasôna ba nit* bon ba Lôt.+ (Selah)
9 Boñ bo kiki u bi boñ Madian,+kiki u bi boñ Siséra ni Yabin i lép* Kison.+
10 Ba bi tjiba i Endôr;+ba yila kiki tjibi di binuga inyu jés hisi.
11 Boñ mintôô nwap mi bôt kiki u bi boñ Ôreb bo Zéeb,+boñ ki baane* bap kiki u bi boñ Zéba bo Zalmuna,+
12 inyule ba bi kal le: “Loga, di yoñ loñ i homa Nyambe a nyééne.”
13 A Nyambe wem, boñ le ba tjama kiki biloo le mbuk mbebi a nkiiñaha,+kiki minumuk mi bikai le mbebi i nkena.
14 Kiki hié hi hi nligis lipan,kiki lindômbôô li hié li li nkala i dikôa,+
15 hala nyen noñ bo ni mbuk mbebi+ woñ,kônha ki bo woñi ni nkue woñ mbebi.+
16 Wéha yaga bo nyuu,inyu boñ le ba yéñ jôl joñ, éé a Yéhôva.
17 Ba wo toi nyuu, ba kon ki woñi kiyaga i boga ni boga;ba kon hison, ba tjiba ki;
18 le ndi bobasôna ba yi le we, nu jôl li yé le Yéhôva,+wetama nyen u yé Nungingii i ngii hisi+ hiosôna.
Ndoñi
^ Tole “u yip bañ nyo.”
^ Tole “ba mpa miño nwap.”
^ Ni hop Lôk Héber, “bôt boñ ba ba sôli.”
^ Ni hop Lôk Héber, “jôl li Israel.”
^ Ni hop Lôk Héber, “Ba ngwañna pék ni ñem wada.”
^ Ni hop Lôk Héber, “ba nyila woo inyu.”
^ Tole “hiléléba hi nsôsôgô.”
^ Tole “baéga.”
