YÉNA PÉÉ!
Didun disamal di bôt di bi wo COVID—Kii Bibel i niiga?
Inonñaga ni Organisation Mondiale de la Santé (OMS), i hilo 23 i sôñ Mpuye 2022, bebee le didun disamal ni pes i bôt i bi wo COVID-19. Ndi ñañga u OMS u u bi pam i hilo 5 i sôñ Mpuye 2022 u ñunda le i bôt ba bi wo COVID ba nloo nsoñgi u. Ñañga u u nkal le ibôdôl i nwii 2020 ikepam 2021, “nsoñgi u bôt ba bi wo inyule ba bi kon Covid, tole ba Covid i bi lo i kop le ba bééna kon umpe, . . . u yé bebee le 15 didun.” Kii Bibel i niiga inyu bikuu bi?
Bibel i bi pôdôl dimala
Yésu a bi kal le makon makeñi tole “dimala,” bi ga ba i ngim ngéda Bibel i nsébél le “dilo di nsôk.”—Lukas 21:11, Kaat Nyambe; 2 Timôtéô 3:1.
Mbañ i Yésu i yé yon i len ini. Inyu tibil nok, béñge nkwel unu le “Quel est le signe des ‘derniers jours,’ ou ‘temps de la fin’?”
Bibel i nlona hogbe
“Nyambe nu hogbe yosôna . . . a nti bés hogbe ikété manoodana més momasôna.”—2 Korintô 1:3, 4.
Ngandak bôt i i bi nimis bôt ba gwéhék ba nléba hogbe ikété Bibel. Inyu tibil nok, béñge minkwel mini le, “Comment revivre : ce que vous pouvez faire,” ni “Une aide incomparable.”
Bibel i nkal kii i ga mélés mandutu momasôna
“Ane yoñ i loo. Sômbôl yoñ i bôña hana ’isi, kiki i ngii.”—Matéô 6:10.
Ndék ngéda “Ane i Nyambe” i ga boñ le “mut nye ki nye a ga kal bé le: ‘Me nkon.’” (Markô 1:14, 15; Yésaya 33:24) Béñge vidéô ini le, Kii i yé Ane Djob? inyu yi toi i ane i, ni kii i ga boñ.
Di naña we i nigil lelaa Bibel i nla hôla we ni lihaa jon i ôt nseñ ni maéba malam, ndi yak ni mimbônga minlam di nléba ikété Bibel.
