I ngwa koo, i sôñ Matjel 24, 2023,—nano a yé nwii wada le gwét bi loñ Ukren bi bi bôdôl, inoñnaga ni mawin mahogi, bebee le 300,000 di bisônda bi Ukren ni bi Ruslan bi bi wo tole bi babaa, i nene ki le yak 30,000 ma bôt ba ba ta bé bisônda ma yé mu nsoñgi u. Ndi, i nene le nsoñgi wonsôna bé u.

 Ngoo ngandak le i gwét bi bi ta bé bebee i mal.

•   “Ibôdôl kel bisônda bi Ruslan bi bi jôp i loñ Ukren, yom yo ki yo i ñéba bé le i gwét bi, bi nke i mal. Yom yo ki yo i ñéba bé to le pes yada i yé yémbél gwét, ba ngi yéñék lelaa ba nla sañgal mam, ndi baa bun a yé.”—NPR (National Public Radio), sôñ Matjel 19, 2023.

 Hala a ntihba ngandak bôt, i tehe mandutu i gwét bi, bi nlona, yak ni bôt gwét bi ntihba ikété nkoñ ’isi. Imbe botñem Bibel i nti? Baa i gwét bi, bi ga mal kel yada?

 Bibel i mpôdôl gwét bi bi ga tjé bé nkoñ ’isi, ndi bi péyés wo. I nsébél i gwét bi le Armagédôn, a yé “gwét bi hilo hikeñi hi Nyambe Nu ngui yosôna.” (Masoola 16:14, 16) Ni njel gwét bi, Nyambe a ga mélés ane i bôt ba binam, yon i nlona yubda ni manola munu nkoñ ’isi. Inyu yi lelaa Armagédôn a ga lona nsañ, añ minkwel mi noñ ha:

•   “Qu’est ce que la bataille d’Armaguédon?”

•   “Armaguédôn, kinje jam lilam!”