1. Ruth, Maria, Ester, Sara, ni bape—

Bañga bôda toi, ni bôda ba hémle.

Ba bi gwés Djob iloo nom yap bomede.

Di nsima môl map, di nyi ki hémle yap.

Bape ba bi bana nya hémle i;

Bibel ’nsima bé bo, ndi Djob a nyi môl map.

2. Ndéñbe, gwéha, makénd, lôñni loñgeñem—

Bilem bilam le bôt bobasô ba ngwés;

Bilem bôda bana ba nhôñlaha bés.

Ndémbél yap i nlémél bés bobasôna.

Lôk kéé yés ’bôda i noñ nlélém njel.

Ba nti bés ndémbél ’lam, kii ba ngwés Yéhôva.

3. Biyik, bingond, banyañ, baa bés, lôk kéé yés,

Ni maséé, ni mboñ bôlô Djob ngi wonyu.

A lôk kéé ’bôda, ni noñ njel suhulnyu;

Bisai bi Djob bi yé bañga bilama.

A bagwéha, Yéhôva a’ sôñ bé,

A lédés hémle nan, a ti bé niñ boga.