Molo dilului hamu akka saran asa moru lungun ni rohamuna, pasti boi do godang dapotmuna. Alai songon naung dipaboa di halaman sebelumna, dang sai sarupa sude cara ni halak tikki berduka. Adong do saran na cocok tu hita, alai belum tentu cocok tu halak na asing.

Nang pe songon i, godang do akka saran na terbukti bermanfaat tu godang halak. Sering do akka pakar paboahon saran na songon i, jala sesuai do akka saran na didok nasida i tu na didok di Bibel.

• Piga-piga akka pakar mandok, massai penting do dukungan sian keluarga dohot akka dongan. Sipata, naeng do didok rohatta menyendiri jala olo do ra dang lomo rohatta molo adong halak na naeng mangurupi hita. Alai dang sala perasaan sisongon i. Sada hal na wajar do i.

• Dang sala molo naeng menyendiri hita, alai unang ma tatolak bantuan sian na asing. Olo do di sada tikki, porlu hita bantuan sian nasida. Denggan ma paboa tu nasida aha na porlu diurupi nasida jala aha na so porlu diurupi nasida.

• Sesuai tu keadaanmuna, ikkon dibahen hamu do tikkimuna rap dohot halak na asing. Alai ikkon dibahen hamu do tong tikkimuna menyendiri.

DIDOK DI BIBEL: “Dumenggan do dua halak sian na sahalak. . . . Ai molo madabu na sada, boi ma na sada nai manogu.”—Parjamita 4:9, 10.

• Molo dijaga hamu pola makanmuna, boi do i mangurupi hamu asa boi moru lungun ni rohamuna. Allang ma akka buah-buahan, sayur, dohot protein na rendah lemakna.

• Godang ma minum air putih dohot akka minuman na sehat.

• Molo dang lomo rohamuna mangan, otik-otik ma hamu mangan alai sering. Manang boi do disukkun hamu tu dokter suplemen makanan aha do na cocok di hamu. *

• Jalan cepat dohot olahraga na asing, boi do mambahen tenang perasaanmuna. Molo olahraga hamu, boi do gabe dang sai tu lungun ni rohamuna i pikkiranmuna.

DIDOK DI BIBEL: “Dang adong bawa na marsogo ni roha tu dirina. Dilehon ibana do dirina mangan jala dihaholongi do i.”​—Epesus 5:29.

• Massai penting do modom, tarlumobi tu halak na berduka. Alana biasana, mura do loja halak na berduka.

• Unang ma pagodangku hamu manginum minuman na godang kafeinna dohot minuman beralkohol. Alana boi do i mambahen hamu gabe maol modom.

DIDOK DI BIBEL: “Dumenggan do sanggolom istirahat sian dua golom halojaon, na dos songon mangalele alogo.”​—Parjamita 4:6.

• Ingot ma, dang sai sarupa cara ni halak na berduka lao mangorui lungun ni rohana. Alani i, hamu do na mambahen keputusan songon dia cara na terbaik di hamu asa moru lungun ni rohamuna.

• Godang do halak na gabe merasa tenang tikki dipaboa lungun ni rohana tu halak na asing. Alai, adong do halak na so olo patuduhon lungun ni rohana tu halak na asing. Akka pakar pe, dang sai sarupa pandapotna taringot cara ni halak na berduka lao patuduhon lungun ni rohana. Alai molo ragu dope hamu paboahon lungun ni rohamuna tu halak na asing, boi do i dipaboa hamu otik-otik tu dongan akrabmuna.

• Piga-piga halak makkilala, molo tangis ibana, boi do gabe moru lungun ni rohana. Alai adong do halak na so pola olo tangis.

DIDOK DI BIBEL: “Roha i sandiri do na mangattusi lungun ni rohana.”​—Poda 14:10.

• Adong do piga-piga halak gabe minum-minum manang gabe marnarkoba asa boi moru lungun ni rohana tikki berduka. Tikki diulahon nasida songon i, boi do merasa tenang dihilala nasida. Alai holan sementara do i, jala boi do gabe berbahaya i tu nasida. Coba ma ulahon akka na denggan na boi mangurupi hamu merasa tenang.

DIDOK DI BIBEL: “Tapaias ma diritta sian akka na mambahen ramun.”​—2 Korint 7:1.

• Godang do halak boi lupa satokkin tu lungun ni rohana ala mangulahon ulaon na bermanfaat.

• Molo lam akrab hamu tu donganmuna, mamparsiajari keterampilan na baru, manang lao rekreasi boi do i mambahen moru lungun ni rohamuna.

• Lam leleng boi do muba situasi. Jala lungun ni rohamuna i pe, lam leleng boi do mago. Sada hal na wajar do i. On do na boi mangurupi hita asa boi lam malum lungun ni rohatta.

DIDOK DI BIBEL: “Martikki be do sude, . . . adong do tikkina tangis, adong do tikkina mekkel. Adong do tikkina mangandungi, adong do tikkina manortori.”​—Parjamita 3:1, 4.

• Pittor ulahon ma ulaon na biasa diulahon hamu.

• Molo tetap do diulahon hamu ulaon na biasa diulahon hamu, songon modom, karejo, dohot akka kegiatan na asing, boi do lam moru lungun ni rohamuna i.

• Molo tetap do diulahon hamu akka kegiatan na denggan, boi do gabe moru lungun ni rohamuna i.

DIDOK DI BIBEL: “Bahenon ni Debata na sittong i ma ibana marlas ni roha alani sude na niulana, sappe dang diboto ibana be naung salpu ari-arina.”​—Parjamita 5:20.

• Godang do halak na gabe menyesal ala pittor hatop mambahen keputusan na penting tikki berduka.

• Paima ma jolo tenang situasimuna sebelum dibahen hamu keputusan lao pinda jabu, pinda karejo, manang pittor mambolokkon akka barang ni naung mate i manang mangalehon akka barang na i tu halak na asing.

DIDOK DI BIBEL: “Sai na saut do sakkap ni halak na ringgas, alai na lao marpogos do halak na gumarapus.”​—Poda 21:5.

• Godang do halak na berduka merasa lebih baik ala mangingot akka kenangan na denggan dohot halak naung mate i.

• Boi do ra gabe terhibur rohamuna molo dipapungu hamu akka foto manang akka barang kenangan taringot halak naung mate i. Manang boi do dibahen hamu catatan na marisi akka pengalaman dohot akka cerita taringot naung mate i na boi diingot hamu.

• Sippan ma akka barang na boi mambahen hamu mangingot akka kenangan na denggan dohot halak naung mate i. Jadi molo dung tenang perasaanmuna, boi ma muse diida hamu akka barang i.

DIDOK DI BIBEL: “Ingot hamu ma najolo i.”​—5 Musa 32:7.

• Boi do hamu lao liburan.

• Molo dang boi leleng hamu lao liburan, boi do diulahon hamu akka ulaon na mambahen las rohamuna saleleng sadari manang dua ari. Contohna, lao tu taman, tu pantai, manang lao rap mardalani dohot akka donganmuna.

• Nang pe i dang ulaon na biasa diulahon hamu, alai boi do i mangorui lungun ni rohamuna.

DIDOK DI BIBEL: “Lao ma hita tu inganan na lungun asa boi hita maradi satokkin.”​—Markus 6:31.

• Ingot ma, molo dilehon hamu tikkimuna lao mangurupi halak na asing, sasittongna boi do i mangurupi hamu asa boi malum lungun ni rohamuna.

• Boi do dimulai hamu mangurupi akka dongan manang keluarga na tong berduka. Alana nasida pe tong do porlu diurupi.

• Tikki diurupi hamu jala dihibur hamu halak na asing, boi ma las rohamuna. Jala boi ma dihilala hamu na berguna do hamu di halak na asing.

DIDOK DI BIBEL: “Umlas do roha ni halak na mangalehon sian na manjalo.”​—Ulaon ni Apostel 20:35.

• Tikki berduka, gabe boi ma disadari hamu aha do sasittongna na uppetting di ngolumuna.

• On ma tikkina na cocok di hamu lao mamikkiri songon dia ngolumuna saleleng on.

• Molo porlu, bahen ma penyesuaian dia do na uppetting di ngolumuna.

DIDOK DI BIBEL: “Dumenggan do lao tu jabu ni halak na marhabot ni roha sian apala tu jabu ni halak na marpesta. Ai i do ujung ni ganup halak jala ikkon ingoton ni halak na mangolu do i.”​—Parjamita 7:2.

 Memang, dang boi pittor mago lungun ni rohamuna i. Alai godang do halak na berduka naung mangulahon akka saran na dipaboa nakking, gabe merasa terhibur roha ni nasida. Alai, on dang na gabe daftar lengkap songon dia carana asa unang lungun be rohamuna tikki berduka. Alai molo dicoba hamu akka saran on, sai anggiat ma boi malum lungun ni rohamuna i.