Ise do Sibolis?
Ise do Sibolis?
NINNA ROHAMU Sibolis i . . .
Tondi do?
Parange ni jolma na jahat do?
Na adong di pingkiran ni jolma do?
NA DIDOK BIBEL
Hea do Sibolis mangkatai jala mangunjuni Jesus. (Mateus 4:1-4) Alani i, Sibolis ndang holan adong di pingkiran ni jolma, jala ndang holan parange ni jolma na jahat. Tutu do ibana adong, jala tondi na hodar do ibana.
AHA DO NA BOI TAPARSIAJARI SIAN BIBEL?
Mulana, surusuruan na badia do Sibolis, alai ”ndang tindang ibana di hasintongan”. (Johannes 8:44) Gabe pargabus do ibana jala mangalo Debata.
Surusuruan na asing pe mangihuthon Sibolis. —Pangungkapon 12:9.
Dipapitung Sibolis do jolma asa unang diboto na tutu adong ibana.—2 Korint 4:4.
Boi do Sibolis mangarajai jolma?
PIGAPIGA HALAK MANDOK ndang boi Sibolis mangarajai jolma, alai adong do na mabiar disonggopi tondi na hodar. Songon dia do pandapotmuna?
NA DIDOK BIBEL
”Di bagasan hajahaton do nasa portibi on.” (1 Johannes 5:19) Sibolis do na mangarajai portibi on, alai ndang sude jolma boi dirajai ibana.
AHA DO NA BOI TAPARSIAJARI SIAN BIBEL?
Dihatahon Sibolis do gabus asa porsea halak tu ibana.—2 Korint 11:14.
Sipata, tondi na hodar boi mangarajai jolma.—Mateus 12:22.
Marhite pangurupion ni Debata, boi ma taalo Sibolis.—Jakobus 4:7.
Mungkin Lomo do Rohamuna Mamboto
ALUS NI BIBEL
Tutu do Adong Sibolis?
Sibolis i holan sifat manang pangalaho na jahat do, manang tutu do adong ibana?
