Songon dia do Didok Bibel?
Boi do Bibel mangurupi hamu mangadopi holso ni roha?
Songon dia do alusmuna?
Boi
Ndang
Ndang binoto
Na didok Bibel
”Tinggangkon hamu ma nasa na hinolsohon ni rohamuna tu [Debata], ai disarihon do hamu!” (1 Petrus 5:7) Didok di Bibel, tingki holsoan hita, boi do lumbang pangkilalaanta alana rade do Debata mangurupi hita.
Aha do muse na taparsiajari sian Bibel?
Marhite tangiang, dapotmuna ma ”dame ni Debata” asa unang paholsohu.—Pilippi 4:6, 7.
Asing ni i, manjaha Hata ni Debata mangurupi hamu mangadopi arsak ni roha.—Mateus 11:28-30.
Boi do salpu holso ni roha?
Na didok pigapiga halak . . . holso ni roha nunga gabe bagian sian parngoluon ni angka jolma, na asing porsea, dung mate pe hita asa ndang tahilala be holso ni roha. Songon dia pandapotmuna?
Na didok Bibel
Salpuhonon ni Debata ma angka na mambahen hita holsoan. Didok di Bibel, ”Ndang adong be hamatean nang arsak ni roha; nang angguhangguk, nang na hansit.”—Pangungkapon 21:4.
Aha do muse na taparsiajari sian Bibel?
Di Harajaon ni Debata, hilalaonta ma hadameon dohot hasonangan.—Jesaya 32:18.
Salpuhononna ma holso ni roha dohot angka na mambahen hita susa.—Jesaya 65:17.
Mungkin Lomo do Rohamuna Mamboto
TOPIK NA ASING NA MENARIK
Songon dia do Bibel Mangurupi Akka Bawa Mangatasi Perasaan Khawatir?
Lam godang do na khawatir di ari parpudi on. Jadi molo khawatir hamu, songon dia do Bibel boi mangurupi hamu?
BIBEL HATA NI DEBATA TU AKKA JOLMA NA NAENG MANGOLU DI TANO NA IMBARU
Songon dia do Asa Unang Sai Marsak Hita?
Bibel boi do mangurupi hita tikki marsak rohatta.
