Jue Mun 141:1-10
Davidi i jue-ɔ.
141 Ee Zoova, n kpann flɛ wɔ.+
Bla ndɛndɛ wa uka min.+
Kɛ n flɛ wɔ’n sie ɔ su tie.+
2 Maan min srɛlɛ’n yo kɛ ansan+ sa ɔ ɲrun.+
Maan min sa mɔ n man be su’n be yo kɛ ble annzɛ i wunsu like mɔ be fa man wɔ nnɔsua nun’n sa.+
3 Ee Zoova, sie gladi difuɛ kun naan ɔ nian min nuan’n su.
Sie gladi difuɛ kun min nuan bui’m be anuan’n nun.+
4 Nán yaci min awlɛn’n i lɛ naan ɔ kunman wɔ sa tɛ wie su,+naan n yo ninnge tɛtɛ nga sa tɛ yofuɛ’m be yo’n wie.
Nán maan n di be aliɛ kpakpa’m be wie le.
5 Sɛ sran kpa’n bo min’n, i sɔ’n kle kɛ ɔ klo min dan.+
Sɛ ɔ tu min fɔ’n, ɔ́ yó kɛ ngo yɛ b’a fa gua min ti’nsu sa,+min ti’n su seman le kɛ ɔ kplinman su.+
Blɛ m’ɔ o ɲrɛnnɛn nun bɔbɔ’n, ń srɛ́ ń mɛ́n i titi.
6 Kannzɛ bɔbɔ be su be jɔlɛ difuɛ’m be bo lika nglonglo’n su be gua be lɔ’n,sanngɛ nvlefuɛ’m bé síe be su ndɛ nga n kan’n i bo, afin be yo fɛ.
7 Wafa nga sran kun tú kacɛ m’ɔ futufutu asiɛ’n nun’n,i wafa kunngba’n, b’a tru e owie mun Ndia’n* i nuan’n su.
8 Ee, min Min Zoova, wɔ mɔ a Sie Like Kwlakwla’n, n kpɛ min ɲin ɔ su lɔ,+ɔ sin yɛ n fia-ɔ.
Nán fa min nguan’n.
9 Sasa min naan m’an tɔman aya nga be suɛli i min bo’n i je’n nun,sasa min sa tɛ yofuɛ’m be aya’m be lika.
10 Klunwifuɛ’m be kwlaa bé tɔ́ be bɔbɔ be tɛ* mun be nun,+sanngɛ min liɛ’n, ń sín kɔ́, like fi su yoman min.
