1 | Ɲanmiɛn srɛlɛ’n: “An fa amun su sa’n kwlaa wlɛ i Ɲanmiɛn sa nun”

BIBLU’N SE KƐ: “An fa amun su sa’n kwlaa wlɛ i Ɲanmiɛn sa nun, afin amun ndɛ lo i.”—1 PIƐLI 5:7.

Like nga ndɛ sɔ’n kle e’n

Ɲanmiɛn Zoova kunndɛ kɛ e koko sa kwlaa ng’ɔ o e su m’ɔ ti kɛ trɔ nɔnnin wie sa’n e kle i. (Jue Mun 55:22) Sɛ sa sɔ’n ti kaan-o annzɛ ɔ ti dan-o, ɔ kunndɛ kɛ e kan kle i. Kɛ mɔ Zoova nian e lika’n ti’n, sa ng’ɔ o e su’n ti i cinnjin wie. Ɔ maan Ɲanmiɛn srɛlɛ’n ti cinnjin kpa. Afin ɔ yo maan e kokoman dan.—Filipufuɛ Mun 4:6, 7.

Wafa nga ndɛ sɔ’n kwla uka e’n

Kɛ e ti nun sanngan’n, ɔ kwla yo e kɛ e ngunmin yɛ e o sa. Asa’n, nán blɛ kwlaa nun yɛ sran onga’m be wun sa ng’ɔ o e su’n i wlɛ-ɔ. (Ɲanndra Mun 14:10) Sanngɛ kɛ e kan wafa nga e wun yo e’n e kle Ɲanmiɛn’n, e wun kɛ ɔ sie i su e nuan bo kpɛkun ɔ wun e su sa’n i wlɛ kpa. Zoova wun e, ɔ si e su afɛ’n nin e ɲin mɔ e mian naan y’a wun e su sa’m be trawlɛ’n. Yɛ ɔ kunndɛ kɛ e kan e su sa’n kwlaa e kle i.—2 Be Ɲoliɛ 6:29, 30.

Kɛ e kan e su sa’n i ndɛ e kle Zoova’n, i sɔ’n uka e maan e wun i wlɛ kpa kɛ ɔ nian e lika. E wun kwla yo e kɛ jue tofuɛ’n i liɛ’n sa. Kɛ ɔ́ srɛ́ Ɲanmiɛn’n, ɔ seli kɛ: “A wunnin min su ɲrɛnnɛn’n, a wun awlabɔɛ dan m’ɔ o min su’n.” (Jue Mun 31:7) Kɛ e si kɛ Zoova wun e su afɛ’n, i sɔ’n uka e naan y’a jran kekle. Sanngɛ ɔ yo like uflɛ ekun. Ɔ wun sa ng’ɔ o e su’n i wlɛ kpa tra sran kwlakwla. Kpɛkun ɔ fa Biblu’n fa wla e fanngan.

Wafa nga Biblu’n uka e’n Zuliɛn

Wafa nga ngokɔɛ’n ti’n min wun yo min’n

“Tukpacɛ (trouble obsessionnel-compulsif ‘TOC’) ng’ɔ yo min’n ti’n srɛ kun min tratra su. Ɔ kwla tɔ min su blɛ kwlaa nun. Blɛ wie nun’n, min wun fa min feke. I sin’n, n wunman sa ti’n sanngɛ min wla bo min wun dan. I li kɛ min nin sran wie mun e o likawlɛ’n, yɛ min wun yo min sɔ kpa’n niɔn. Min wun akunndan nga min wiengu’m be bu’n, ɔ ɲan ta min su kpa.

“Min janvuɛ nga be si sa ng’ɔ o min su’n be suan min bo kpa. Maan n di i nanwlɛ, ɔ ju wie’n nán ndɛ nga n kunndɛ kɛ ń tí’n yɛ be kan kle min-ɔn. Sanngɛ kɛ n si kɛ be kunndɛ kɛ bé úka min’n, i sɔ’n yo min fɛ kpa.

“Ɔ ju wie’n, tukpacɛ’n ti’n Ɲanmiɛn srɛlɛ’n ti kekle man min. Ɔ maan n mian min ɲin kpa naan m’an kwla kan min su sa’n i ndɛ m’an kle Zoova. Kɛ n su bu like kun i akunndan’n n guɛmɛn i bo kpɛkun n su bu like uflɛ i akunndan. I sɔ’n ju ndɛndɛ kpa ti’n, i agualiɛ su’n ndɛ’n i kwlakwla sanngan min ɲrun. Kɛ ɔ ko yo sɔ’n, n kwlá kanman wafa nga min wun yo min’n nin akunndan nga n bu’n i ndɛ n kleman Ɲanmiɛn.”

Wafa nga Biblu’n uka min’n

“Kɛ n suan Biblu’n nun like’n, n wun i wlɛ kɛ ɔ fataman kɛ n kan ndɛ kpanngban annzɛ n kan ndɛ kpakpa mun n kle Ɲanmiɛn naan w’a tɛ min su. Blɛ wie nun’n, kɛ n kwlá kanman wafa nga min wun yo min’n i ndɛ trele n kleman Zoova’n, n kpɛ i kpo n se i kɛ: ‘Zoova, yaci uka min.’ Kɛ ɔ ko yo sɔ’n, n sie i nzɔliɛ kɛ Zoova wun min ndɛ’n i wlɛ yɛ ɔ tɛ min su blɛ sɔ’n nun. N srɛ Ɲanmiɛn sɔ, sanngɛ n ko wunnin dɔɔtrɔ’m be wun wie. Ɔ maan ninnge nɲɔn sɔ mɔ n yoli be’n ti’n, min wunnɛn’n w’a yo sɔsɔ kan. Nanwlɛ, kɛ n fa min su sa’n n wlɛ i min Si m’ɔ o ɲanmiɛn su lɔ’n i sa nun mɔ n sɔ ukalɛ m’ɔ uka min’n nun’n, i sɔ’n yo min ye dan.”

Ninnge wie mɔ be kwla yo ɔ fɛ ekun'n

SASAFUƐ TRANWLƐ'N

https://cms-imgp.jw-cdn.org/img/p/2023005/univ/art/2023005_univ_sqr_xl.jpg

wp23 No. 1 b. 6-7

Zoova i Lalofuɛ mun

1 | Ɲanmiɛn srɛlɛ’n: “An fa amun su sa’n kwlaa wlɛ i Ɲanmiɛn sa nun”

Like nga ndɛ sɔ’n kle e’n

Wafa nga ndɛ sɔ’n kwla uka e’n

Ninnge wie mɔ be kwla yo ɔ fɛ ekun'n

?Wafa sɛ yɛ ɔ fata kɛ e srɛ Ɲanmiɛn naan w’a ti-ɔ?

?Srɛlɛ kwlaa yɛ Ɲanmiɛn tie-ɔ?

?Ngue ti yɛ ɔ fata kɛ n srɛ Ɲanmiɛn-ɔn?

?Ɲanmiɛn tie e srɛlɛ’n?

Se e naan e wa nian ɔ osu

“An fa amun su sa’n kwlaa wlɛ i Ɲanmiɛn sa nun”

I FALƐ WAFA

Biblu’n kwla uka be nga be ti nun w’a sanngan’n

Biblu’n kwla uka be nga be ti nun w’a sanngan’n

Like nga ndɛ sɔ’n kle e’n

Wafa nga ndɛ sɔ’n kwla uka e’n

Ninnge wie mɔ be kwla yo ɔ fɛ ekun'n

I FALƐ WAFA

Kle ɔ aniɛn'n

Fa man sran