“Pag namumundo ako dahil sa pagmati na mayo akong halaga, pinapakusog ako ni Jehova paagi sa mga kanta sa JW Broadcasting^®.”​—Lorraine, U.S.A.

Kaidto pa man, parte na kan Kristiyanong pagsamba an “mga kantang pang-espirituwal.” (Col. 3:16) Kun tuom mo an mga kantang iyan, makakatabang iyan sa saimo dawa pag wara kang kapot na songbook o gadyet. Purbaran an minasunod na tips para matabangan kang matuom an mga kanta.

• Basahon na marhay an mga liriko para masabutan an buot sabihon kaiyan. Mas madali mong matatandaan an impormasyon pag nasasabutan mo iyan. Makukua sa jw.org an mga liriko kan gabos na kanta niyato, kaiba na an orihinal na mga kanta saka an mga kantang pang-aki. Sa seksiyon na Librarya, magduman sa Musika.

• Isurat an mga liriko. Makakatabang iyan para mas matandaan mo an mga tataramon diyan.​—Deu. 17:18.

• Praktison nin makusog. Uruutrong basahon o kantahon an kanta.

• Testingon kun tuom mo na. Purbaran na sabihon an mga tataramon na dai naghihiling sa liriko, dangan hilingon kun sagkod sain na an tuom mo.