Iniisip kan dakul na tawo na dai na masosolusyunan an mga problemang aatubangon kan kinaban sa 2024. Pero, makakaasa kita na igwa nin paglaom sa maabot na panahon. Sain ta iyan makukua?

 Nangangako an Bibliya na sosolusyunan nin Diyos an mga problema na nagigin dahilan na mamati ta na an satong buhay ngunyan garo mayo nang paglaom. Dai na mahahaloy, “papahidon [nin Diyos] an lambang luha sa [satong] mga mata, asin an kagadanan mawawara na. Dai na man magkakaigwa nin pagmundo, o nin pagtangis, o nin kulog.”​—Kapahayagan 21:4.

•   Para sa dagdag na impormasyon manungod sa mga panuga kan Bibliya sa maabot na panahon, basahon an artikulong “Makakaasa Ka sa Isang Magandang Kinabukasan.”

 An Bibliya nagtatao nin paglaom para sa maabot na panahon na makakatabang saimo na malabanan an negatibong mga kaisipan asin magin mas positibo sa buhay. (Roma 15:13) An praktikal na sadol kan Bibliya makakatabang saimo na makayanan an mga problema na inaatubang mo ngunyan, arog nin pagtios, inhustisya, asin hilang.

•   Aramon kun paanong an paglaom na yaon sa Bibliya nakatabang sa sarong lalaki na magkaigwa nin katuninungan asin magin maugma dawa nagdakula siyang tios. Hilingon an video na Juan Pablo Zermeño: Tinawan Ako ni Jehova nin Sarong Makahulugan na Buhay.

•   Aramon kun paano ka matatabangan kan Bibliya na makayanan an pagkakonsiyensiya, kamunduan, kahaditan, asin pagkagadan nin mahal sa buhay. Basahon an artikulong “Makakatulong Ba Talaga sa Akin ang Sinasabi ng Bibliya?”

•   Aramon kun paano natabangan kan Bibliya an sarong babayi na dating militar asin na ilinadawan an sadiri niya na “istrikto saka mayong pakiaram sa iba.” Hilingon an video na Binitiwan Ko ang Baril Ko.

 Gibuhon na maugmang taon para saimo saka sa pamilya mo an 2024. Aramon pa kun paano ka matatabangan kan Bibliya. Purbaran an samong libreng interactive na pag-adal sa Bibliya na may matabang saimo. Aramon kun paano ka tatawan nin Diyos nin “katuninungan” ngunyan saka nin “magayon na puturo asin paglaom.”​—Jeremias 29:11.