Finshi Ningalomba Mwi Pepo?
Ifyo Baibolo ilanda
Kuti mwalomba ifili fyonse kuli Lesa kulila fye na filingana ne fyo afwaya. Baibolo itila, “conse ico twalomba, cikulu fye nacilingana no kufwaya kwakwe, alatumfwa.” (1 Yohane 5:14) Kanshi kuti mwalondolwela Lesa fyonse ifilemisakamika pantu Baibolo itukoselesha ukuti: “Mupongolweleni [Lesa] ifyaba mu mitima yenu.”—Amalumbo 62:8.
Fimo fimo ifyo mwingalomba
Kukwata icitetekelo muli Lesa.—Luka 17:5.
Mupashi wa mushilo, e mu kuti amaka ayo Lesa abomfya ukucita ukufwaya kwakwe, ayengamwafwa ukucita icalungama.—Luka 11:13.
Amaka yakushipikisha amafya e lyo no kucimfya amatunko.—Abena Filipi 4:13.
Ukukanalasakamikwa sana.—Abena Filipi 4:6, 7.
Amano ya kusala bwino ifya kucita.—Yakobo 1:5.
Ifyo mukabila mu mikalile.—Mateo 6:11.
Ukwelelwa imembu.—Mateo 6:12.