Bushe Baibolo Kuti Yalenga Naba ne Nsansa mu Cupo?
Icasuko ca mu Baibolo
Ee. Umfweni ukupanda amano ukwaba mu Baibolo ukwalenga abaume na banakashi abengi ukuba ne nsansa mu lupwa:
Lembesheni icupo cenu. Ukucetekelana no kutemwana kuba mu cupo icalembeshiwa, kulalenga mu cupo mwaba insansa.—Mateo 19:4-6.
Muleba no kutemwa no mucinshi. Ici cisanshamo ukulasunga abena mwenu nge fyo na imwe mwingatemwa ukuti balemusunga.—Mateo 7:12; Abena Efese 5:25, 33.
Mwilabomfya amashiwi ayabi. Muleba ne cikuuku mu milandile yenu, na lintu abena mwenu balanda nelyo ukucita icamukalifya. (Abena Efese 4:31, 32) Nga filya Baibolo ilanda pa Amapinda 15:1: “Ukwasuka ukwafuuka kunasha ubukali, lelo amashiwi ya kukalifya yalenga umuntu ukukalipa.”
Muleba ne cishinka ku bena mwenu. Mufwile ukulanga icitemwiko ku bena mwenu fye epela. (Mateo 5:28) Baibolo itila: “Icupo cifwile ukuba ica mucinshi kuli bonse, kabili tacifwile ukuba icakowela.”—AbaHebere 13:4.
uleba no kutemwa pa kufunda abana. Tamufwile ukuba no mulekelesha nelyo ukuba abakalipisha.—Amapinda 29:15; Abena Kolose 3:21.
Nalimo Kuti Mwatemwako ne fi
MU LUPWA LWENU KUTI MWABA INSANSA
Lesa Kuti Amwafwa Ukukwata Insansa mu Cupo Cenu
Ukuyipusha ifi ifipusho fibili kuti kwamwafwa ukuba ne nsansa mu cupo cenu.
AMASUKO KU MEPUSHO YA MU BAIBOLO
Finshi Baibolo Yalanda pa Cupo?
Amashinte ya mafunde kuti ya-afwa abaupana ukukanacita ifingalenga baba na mafya kabili kuti yabafwa ukwishiba ifya kucita nga baba na mafya.
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.