Nogat. I no gat wan samting we i talem se yu mas mekem olsem. Plante milian man oli glad blong stadi Baebol wetem mifala, be oli no kam memba blong ol kongregesen blong mifala. a Stamba risen blong program ya i blong soem samting we Baebol i tijim. Samting we yu mekem afta we yu kasem ol save ya, hem i desisen blong yu wan. Mifala i save se bilif i bisnes blong wan wan man.—Josua 24:15.

 Yes. Mifala i laekem blong yusum Niu Wol Translesen Baebol from we i klia, mo mifala i save givim wan fri kopi long yu sipos yu wantem wan, be mifala i glad nomo sipos yu yusum prapa Baebol blong yu. Yu save lanem ol save blong Baebol we i givim hop mo rod blong sevem man, long eni translesen blong Baebol.

•   Bigfala samting we i pulum mifala, hemia lav we mifala i gat long Jehova God, we hem nao i wantem se ol Kristin oli mas tijim ol narafala long samting we oli lanem. (Matiu 22:37, 38; 28:19, 20) Mifala i luk se i wan bigfala ona blong “joen wetem God” blong halpem ol man blong oli lanem samting we Tok blong hem i talem.—1 Korin 3:6-9.

•   Mo narafala samting we i pulum mifala, hemia lav we mifala i gat long ol neba blong mifala. (Matiu 22:39) Mifala i glad tumas taem mifala i tokbaot ol gudfala samting we mifala i lanem.—Ol Wok 20:35.