Program Blong Ridim Baebol
Baebol i gat ol nambawan waestok we oli save givhan long laef blong yumi. Sipos oltaem yu ridim Baebol, yu tingting dip long hem, mo yu folem wanem we yu lanem, “bambae ol wok blong yu i gat frut.” (Josua 1:8; Ol Sam 1:1-3) Mo tu, bambae yu savegud God mo Jisas, nao save ya bambae i sevem laef blong yu.—Jon 17:3.
?Bambae yu stat blong ridim weswan buk blong Baebol? Hemia i stap long yu nomo blong jusum. Be program ya blong ridim Baebol i blong halpem yu blong ridim ol buk blong Baebol folem oda. Eksampol, yu save ridim sam haf blong Baebol blong luk ol samting we God i mekem long ol man Isrel long taem bifo. Yu save ridim ol narafala haf blong luk olsem wanem Kristin kongregesen long faswan handred yia i stat. Sipos yu ridim wan japta evridei, bambae yu ridim ful Baebol long wan yia nomo.
Sipos yu yu stap lukaotem wan program blong ridim Baebol evridei, ridim Baebol long wan ful yia, o wan plan blong olgeta we oli wantem stat blong ridim Baebol, program ya i save givhan long yu. Yu save daonlodem program blong ridim Baebol, mo yu save stat tede blong folem program ya.
Maet Yu Laekem Hemia Tu
WAJTAOA
Baebol Riding: ?Olsem Wanem Blong Stat?
Faef advaes blong mekem se i isi moa blong ridim Baebol.
ANSA WE BAEBOL I GIVIM
?Yumi Mas Mekem Wanem Blong Kasem Save Long Baebol?
Nating se laef blong yu i olsem wanem, yu save kasem save mesej blong God long Baebol
OL YANGFALA OLI ASKEM
?Olsem Wanem Baebol i Save Givhan Long Mi?—Haf 1: Kasem Ol Gudfala Samting Long Baebol
Sipos yu faenem wan bigfala bokis we ol man bifo oli putum ol sas samting long hem, ?bambae yu wantem save wanem i stap insaed? Baebol i olsem bokis ya. Hem i fulap long ol waes advaes.
