Websaet ya i givhan long yu blong lanem moa long saed blong God, Baebol, mo ol Witness blong Jehova. Ridim, wajem, mo daonlodem eni samting we yu intres long hem. Mifala i wantem se ol man oli save harem gud long hem tu, be plis no wokem bakegen wanem we i stap insaed long websaet ya. Yu save serem wanem we yu lanem long websaet ya long ol narafala taem yu sendem link i go long olgeta, folem instraksen blong Terms of Use long haf ya daon.

•  Copyright

•  Ol bisnes nem mo saen

•  Ol rul mo laesens blong yusum Websaet ya

•  Ol jenis

•  Loa mo Eria we yu save pas long kot

•  Indipenden

•  Agrimen

© 2024 Watch Tower Bible and Tract Society of Pennsylvania, Inc. Olgeta raet i blong hem nomo.

Watchtower Bible and Tract Society of New York, Inc. (“Watchtower”), hem nao i wokem Websaet ya mo i lukaot long hem. Olgeta toktok mo ol narafala save we i stap long Websaet ya oli blong Watch Tower Bible and Tract Society of Pennsylvania. Sipos sam samting i no blong olgeta, bambae oli talemaot.

Adobe, logo blong Adobe, Acrobat, mo logo blong Acrobat, oli blong Adobe Systems Incorporated we i rejista folem loa. Apple, iTunes mo iPod oli blong Apple Inc we i rejista folem loa. Olgeta narafala nem mo ol nem we oli rejistarem folem loa, oli blong ol kampani we oli wokem ol program ya.

 I gat sam rul blong folem taem yu go long Websaet ya. Taem yu go long Websaet ya, yu agri blong folem olgeta rul ya. Sipos yu agri nomo long sam long olgeta rul ya, yu no mas yusum Websaet ya.

?Wanem i stret blong mekem taem yu go long Websaet ya? I stret blong yu save lukluk, lesin, daonlodem mo printim sam foto, miusik, pija, ol toktok we oli raetem, ol video we i gat copyright long Websaet ya blong yu nomo, be i no blong salem. Mo i gat sam narafala rul tu we yu mas respektem. Yu no mas:

•   Postem ol samting we yu tekem long Websaet ya i go long Intenet (long ol websaet we i blong serem ol fael, no ol sosial netwok no eni narafala websaet);

• Postem bakegen ol samting long Websaet ya no sam aplikesin blong hem long intenet;

• Wokem bakegen, mekem kopi no tekem sam samting long Websaet ya blong mekem bisnes no blong yu salem (nomata se yu no mekem profit long hem). Yu no mas serem ol komputa aplikesin we oli joen no link long Websaet ya (nating se hem i nem blong hem no i sotkat blong hem);

• Go long Websaet ya wetem tingting ya blong tekem mo seraotem stamba code blong hem, ol tul no teknik blong hem, blong karem olgeta save we oli stap long hem, ol plan blong hem mo ol data, (mo blong spolem ol save we oli stap insaed long hem, lukaot ol save blong spolem, karemaot ol save);

• Spolem Websaet ya mo ol wok blong hem olsem, mekem se Websaet ya i no moa wok gud, no yusum wan narafala rod blong mekem olsem;

• Yusum Websaet ya long wan rod we i save spolem, no maet i spolem Websaet ya, no i mekem se Websaet ya i lus fulwan mo man i no moa save go insaed long hem. No yusum Websaet ya long wan fasin we i brekem loa, long wan fasin blong stilim mane, fasin we i no stret, blong mekem wan samting we i no stret, mo we i joen wetem wan wok we i brekem loa, i blong stilim mane, i blong mekem rabis fasin;

• Yusum Websaet ya blong mekem pablisiti blong bisnes.

Bambae Watchtower i gat raet blong tekem aksen agensem yu sipos yu no folem ol rul ya. Hem i save mekem se yu no moa go long Websaet ya, hem i save blokem yu fulwan blong yu no save go long Websaet ya, hem i save blokem ol kompiuta we oli yusum IP adres blong yu blong yu no save go long Websaet ya nomata wanem kompiuta we yu yu yusum, hem i save kontaktem Intenet seves we yu yu stap yusum blong askem olgeta blong oli blokem, blong yu no moa save go long Websaet ya, mo hem i save putum yu long kot.

I gat samtaem we Watchtower i lukluk bakegen long ol rul blong yusum Websaet ya. Taem i gat ol niufala rul blong yusum Websaet ya, bambae oli talemaot long Websaet ya. Plis yu mas jekem pej ya oltaem blong meksua se yu stap folem ol rul we i niuwan.

Watchtower i wokem ol rul ya folem ol loa blong Yunaeted Stet long Amerika, mo hem i meksua se i no go agensem eni samting we loa i talem. Eni aksen we man i tekem folem loa long saed blong ol rul ya blong yusum Websaet, hem i mas tekem i go long wan stet no federal kot, we i jajem man folem loa blong Yunaeted Stet long New York, long Amerika.

Sipos kot i talem se wan samting long ol rul ya i no stret, i no folem loa, mo man i no mas folem, be man i mas folem ol narafala samting we i stap long ol rul ya. Sipos Watchtower i no folem wan long ol samting long ol rul ya blong hem, hemia i no min se man i no moa save folem ol rul ya.

Ol rul ya i wan kontrak bitwin yu mo Watchtower long saed blong fasin blong yusum Websaet ya. Hem i tekem ples blong olgeta narafala kontrak we yu bin agri long hem finis blong yusum Websaet ya.