Otọẹvbo ọghe United States of America ẹre igiogbẹ ọghomwa ye. Vbọrhirhighayehẹ, mai re otu nẹi gu usun ro ọghe America rhunmwuda wẹẹ:

• Emwa eso keghi rhan otọre wẹẹ, otu nẹi gu usun ro ọre ẹbu nọ zegbe hin ugamwẹ na mu gbọọ rre. Avbe Osẹe Jehova i re otu ni zegbe hin ugamwẹ ọvbehe rre. Nọghayayerriọ, ma keghi yaeyi wẹẹ, ugamwẹ ọghe Ivbiotu e Kristi nọ suẹnrẹn vbe orre nokaro, ẹre ima werriegbe mu gbọọ.

• Avbe Osẹe Jehova keghi ye izọghae kporhu vbe avbe otọ kevbe otọẹvbo ni gberra 230. Ehe ke ehe nima rhirhi gha ye, Osanobua ne Jehova kevbe Jesu Kristi ọre emwa ni ghi ru ekpataki sẹ ne ima ye ẹkoata họn ẹmwẹ na, ẹi re arriọba ọghe America ra arriọba emwa nagbọn ọvbehe.—Jọn 15:19; 17:15, 16.

• Imamwaemwi ọghomwa hia keghi hẹnhẹn egbe yan e Baibol, ẹi re ebe ne avbe ọkalotu ọghe ugamwẹ eso ni rre America gbẹnnẹ.​—1 Tẹsalonaika 2:13.

• Ukpowẹ ọghe Jesu Kristi ẹre ima lele, ẹi re ọkalọtu ọghe ọmwa nagbọn rhọkpa.​—Matiu 23:8-10.