KALANSEN 18
Krecɛn lakikaw bɛ dɔn cogo min na
Mɔgɔ miliyɔn caman b’a fɔ ko u ye krecɛnw ye. Nka u bɛɛ ka dannayakow tɛ kelen ye wa u tɛ ɲɛnamaya kɛ ka kɛɲɛ ni sariyakolo sugu kelenw ye jogo ta fan fɛ. O la, an bɛ se ka krecɛn lakikaw dɔn cogo di?
1. Krecɛn ye mɔgɔ sugu jumɛn ye?
Krecɛnw ye Yesu Krisita ka kalandenw ye, fɔcogo wɛrɛ la, a nɔfɛmɔgɔw. (Kɛwalew 11:26 kalan.) U b’a jira cogo di ko u ye Yesu ka kalandenw ye? Yesu y’a fɔ ko: “Ni aw ye ne ka kumakan minɛ ka to a kan, aw na kɛ ne ka kalandenw ye sɛbɛ la.” (Yuhana 8:31) O kɔrɔ ye ko krecɛn lakikaw ka kan ka Yesu ka kalansiraw waleya. Ikomi Yesu tun bɛ to k’a ka kalansiraw sinsin Sɛbɛnniw kan, krecɛn lakikaw fana ka kan ka u ka dannayakow sinsin Bibulu kan.—Luka 24:27 kalan.
2. Krecɛn lakikaw bɛ kanuya jira cogo di?
Yesu y’a fɔ a nɔfɛmɔgɔw ye ko: “Aw ka ɲɔgɔn kanu i ko ne ye aw kanu cogo min na.” (Yuhana 15:12) Yesu y’a jira cogo di k’a bɛ a ka kalandenw kanu? A tun bɛ waati ta ni u ye, ka dusu don u kɔnɔ ani ka u dɛmɛ. A yɛrɛ y’a ni di u kosɔn. (1 Yuhana 3:16) O cogo kelen na, krecɛn lakikaw tɛ dan dɔrɔn ka kanuya kofɔ. U b’a jira u ka kumaw ani u ka kɛwalew fɛ ko u bɛ ɲɔgɔn kanu.
3. Krecɛn lakikaw bɛ baara jumɛn de kɛ?
Yesu ye baara di a ka kalandenw ma. “A ye u ci ka taa Ala ka masaya waajuli kɛ”. (Luka 9:2) Krecɛn fɔlɔw tun tɛ waajuli kɛ u ka batoli kɛyɔrɔw dɔrɔn kɔnɔ nka u tun bɛ waajuli kɛ jamamayɔrɔ wɛrɛw la ani u tun bɛ taa du ni du. (Kɛwalew 5:42; 17: 17 kalan.) O cogo la bi fana, krecɛn lakikaw mana mɔgɔw sɔrɔ yɔrɔ o yɔrɔ, u bɛ Bibulu tiɲɛ kumaw fɔ u ye. U bɛ mɔgɔw kanu, o de la u nisɔndiyalen bɛ baara kɛ ni u ka waati ani u fanga ye walasa ka Bibulu cikan fɔ u ye, o min bɛ jigiya ani dususaalo di.—Marka 12:31.
DƆ FARA I KA DƆNNIYA KAN
I bɛ se ka krecɛn lakikaw dɔn cogo min na ka bɔ mɔgɔw la, minnu tɛ ka tugu Yesu ka kalansiraw ni a ka misali kɔ, an ka o sɛgɛsɛgɛ.
4. U bɛ Bibulu tiɲɛw ɲini
Krecɛn fɔlɔw ye nafa don Ala ka Kuma la
Minnu b’a fɔ ko u ye krecɛnw ye, olu bɛɛ tɛ nafa don Bibulu tiɲɛw la. A’ye WIDEYO lajɛ, o kɔ aw ka baro kɛ nin ɲininkali kan:
-
Tɔgɔla krecɛn dɔw ka egilisiw ye mun de kɛ walasa mɔgɔw kana Yesu ka kalansiraw dɔn?
Tiɲɛ min bɛ Ala ka Kuma kɔnɔ, Yesu ye mɔgɔw kalan o de ko la. Yuhana 18:37 kalan, o kɔ aw ka baro kɛ nin ɲininkali kan:
-
Ka kɛɲɛ ni Yesu ka o kuma ye, krecɛn minnu ye “tiɲɛ ta ye,” an bɛ se ka olu dɔn cogo di?
5. U bɛ Bibulu tiɲɛw waajuli kɛ
Krecɛn fɔlɔw ye mɔgɔ wɛrɛw waaju
Sani Yesu ka taa sankolo la, a ye baara dɔ di a nɔfɛmɔgɔw ma u k’a kɛ, u bɛ ka ta’a fɛ ka o min kɛ hali bi. Matiyu 28:19, 20 ani Kɛwalew 1:8 kalan, o kɔ aw ka baro kɛ nin ɲininkali kan:
-
U tun ka kan ka waajuli kɛ fo ka se yɔrɔ jumɛn ani waati jumɛn ma?
6. U bɛ fɛn min waajuli kɛ u b’o waleya
Mun de y’a to cɛ dɔ min tɔgɔ ko Tom dara a la k’a ye krecɛnya lakika sɔrɔ? A’ye WIDEYO lajɛ, o kɔ aw ka baro kɛ nin ɲininkaliw kan:
-
Wideyo kɔnɔ, mun de ye Tom bila a ka diinɛ ko dabila?
-
Mun na a dara a la k’a ye tiɲɛ sɔrɔ?
An ka kɛwalew bɛ fɛn caman kɛ ka tɛmɛn an ka kumaw kan. Matiyu 7:21 kalan, o kɔ aw ka baro kɛ nin ɲininkali kan:
-
Mun de nafa ka bon kosɛbɛ Yesu bolo—an b’a fɔ ko an dalen bɛ fɛn min na walima an bɛ fɛn min jira an ka kɛwalew fɛ wa?
7. U bɛ ɲɔgɔn kanu
Krecɛn fɔlɔw tun bɛ ɲɔgɔn kanu
Yala krecɛn dɔw delila ka u ka ɲɛnamaya bila farati la u krecɛn ɲɔgɔnw kosɔn tiɲɛ yɛrɛ la wa? A’ye WIDEYO lajɛ, o kɔ aw ka baro kɛ nin ɲininkaliw kan:
-
Wideyo kɔnɔ, mun de ye Lloyd bila k’a ka ɲɛnamaya bila farati la balimakɛ Johansson kosɔn?
-
Yala e hakili la, a ye wale kɛ iko krecɛn lakika wa?
Yuhana 13:34, 35 kalan, o kɔ aw ka baro kɛ nin ɲininkaliw kan:
-
Yesu ka kalandenw (krecɛn lakikaw) bɛ siya wɛrɛ mɔgɔw walima jamana wɛrɛ mɔgɔw minɛ cogo di?
-
U bɛ o kɛ cogo di kɛlɛ waati la?
MƆGƆ DƆW B’A FƆ KO: “Krecɛnw ye ko jugubaw kɛ, o la, olu ka diinɛ bɛ se ka kɛ diinɛ lakika ye cogo di?”
-
I bɛ se ka tɛmɛsira jumɛn kalan min b’a jira an bɛ se ka krecɛn lakikaw dɔn cogo min na?
BAKURUBAFƆLI
Krecɛn lakikaw bɛ tugu Bibulu kalansiraw kɔ, u bɛ kanuya jira min t’a yɛrɛ nafa ɲini ani u bɛ Bibulu tiɲɛw waajuli kɛ.
Seginnkanni
-
Krecɛn lakikaw bɛ u ka dannayakow sinsin mun de kan?
-
Krecɛn lakikaw bɛ dɔn jogo jumɛn fɛ?
-
Krecɛn lakikaw bɛ baara jumɛn de kɛ?
NINNU LAJƐ
Fɛn caman lajɛ mɔgɔ dɔw ko la minnu bɛ ka u seko bɛɛ kɛ ka tugu Yesu Krisita ka misali ni a ka kalansiraw kɔ.
“Denbaya lakika alako ta fan fɛ”, diinɛ mɔgɔ musoman dɔ ye o sɔrɔ cogo min na, o lajɛ.
A lajɛ krecɛn kakikaw bɛ kanuya jira cogo min na u krecɛn ɲɔgɔnw na minnu mago bɛ dɛmɛ na.
Yesu y’a fɔ ko a nɔfɛmɔgɔw bɛ dɔn fɛn dɔ fɛ. Krecɛn fɔlɔw kɛra o misali ye cogo min na ani krecɛn lakika minnu bɛ yen bi, olu fana ye o misali ye cogo min na, o sɛgɛsɛgɛ.
