Kadto lang hinlo sa moral ang mahimong suod nga higala ni Jehova. (1Pe 1:14-16) Dihang hunongon sa mga Bible study ang hugaw nga mga buhat, malikayan nila ang mga problema sa pamilya, panglawas, ug pinansiyal.

Klarong ipatin-aw kanila ang moral nga mga sukdanan ni Jehova, kon nganong iya kanang gisugo, ug ang mga kaayohan sa pagsunod niana. Tabangi ang imong mga study sa pagbag-o sa ilang panghunahuna. Nianang paagiha, mahimo nila kon unsay gusto ni Jehova. (Efe 4:22-24) Pasaligi sila nga sa tabang ni Jehova kaya nilang hunongon ang ilang naandan nga hugawng buhat. (Flp 4:13) Tudloi sila nga mangamuyo kang Jehova dihang maaghat sa paghimog daotan. Tabangi sila nga mailhan ang makatental nga mga situwasyon nga angay nilang likayan. Dasiga sila nga pulihan ang hugaw nga mga buhat ug mga kalihokan nga makabenepisyo nila. Malipay gyod ka dihang makita nimo nga nagmalamposon ang imong Bible study sa paghimog mga kausaban sa tabang ni Jehova.

TAN-AWA ANG VIDEO NGA TABANGI ANG IMONG BIBLE STUDY SA PAGHUNONG SA HUGAW NGA MGA BUHAT, DAYON TUBAGA ANG MOSUNOD NGA MGA PANGUTANA:

• Giunsa pagpakita sa mga ansiyano ug ni Neeta nga may pagsalig sila kang Jade?

• Giunsa pa pagtabang ni Neeta si Jade?

• Sa unsang paagi si Jade nangayog tabang kang Jehova?