Philippines Photo Gallery 1 (Pebrero 2014 Hangtod sa Mayo 2015)
Ang mga Saksi ni Jehova nagtukod ug bag-ong mga bilding ug nag-renovate sa ubang bilding sa sangang buhatan sa Pilipinas sa Quezon City. Tungod kay sa Japan na giimprenta ang mga literatura para sa Pilipinas, gi-renovate ang printery kaniadto ug giokupar na kini sa Computer Department, Local Design/Construction (LDC), Maintenance, Shipping, ug Translation Department. Makita niini nga photo gallery ang pipila ka trabaho sa printery kaniadto ug sa uban pang mga bilding gikan sa Pebrero 2014 hangtod sa Mayo 2015. Kini nga proyekto gieskedyul nga mahuman sa Oktubre 2016.
Drowing sa nahuman nga sangang buhatan sa Pilipinas. Lakip sa mga bilding nga gitukod o gi-renovate mao ang:
Building 4 (Residence)
Building 5 (Audio/Video, Service Department)
Building 6 (Landscaping, Vehicle Repair, Welding)
Building 7 (Computer, LDC, Maintenance, Shipping, Translation)
Pebrero 28, 2014—Building 7
Ang temporaryong mga boluntaryo nagputos sa bag-ong mga fiberglass insulation aron dili mabasa. Ang ilang gisul-ob makatabang nga dili mangatol ang ilang panit.
Abril 2, 2014—Building 7
Gitrabaho ang kisame sa recording studio para sa Filipino Sign Language. Ang kuwadrong mga lungag sa kisame butangag mga HVAC diffuser, aron angay ang huyop sa air condition sa tibuok studio.
Oktubre 21, 2014—Quezon City site
Gikubkob ang yuta para sa centralized chilled water system. Kini nga bag-ong sistema maoy gamiton para sa tanang bilding sa sangang buhatan.
Disyembre 19, 2014—Tulay nga nagkonektar sa Building 1, 5, ug 7
Kining bag-ong inatpan nga tulay maoy magkonektar sa dagkong mga bilding, lakip sa Building 1, diin didto ang kan-anan. Kini nga tulay ang kanunayng agian sa kapig 300 ka boluntaryo nga nagtrabaho sa Building 7.
Enero 15, 2015—Building 5
Ang 50-toneladas nga crane nag-alsa ug mga ig-alatop. Lokal nga mga kontraktor ang nag-operate sa mga crane.
Enero 15, 2015—Building 5A (Circulation pod)
Kining dos andanas, 125 metro kuwadrado nga bilding dunay duha ka kasilyas, usa ka hagdanan, ug usa ka elevator. Tungod sa duha ka kasilyas ug usa ka hagdanan niini nga bilding, mas daghang opisina ang natukod sulod sa Building 5. Ug kay dinhi man gibutang ang elevator, imbes sa Building 5, ang kabanha sa elevator dili makatugaw sa audio o video recording.
Enero 15, 2015—Building 5A (Circulation pod)
Aron dili direktang maigo sa kainit sa adlaw, naggamit silag dakong payong samtang nagbutang ug mga kabilya. Ang kainit sa adlaw moabot ug mga 29 degrees Celsius (84°F) sa Enero ug mga 34 degrees Celsius (93°F) sa Abril.
Marso 5, 2015—Building 5
Tabla ang gigamit sa mga trabahante sa pagpalig-on sa mga parulos. Sa Building 5, mga 800 ka maayong klase nga tabla ang gigamit.
Marso 17, 2015—Building 5
Mano-mano ang pagmasag semento para sa ginagmayng proyekto. Kapin sa 100 ka boluntaryo gikan sa Australia, Canada, France, Japan, New Zealand, South Korea, Spain, United States, ug sa uban pang mga nasod ang mitabang sa konstruksiyon.
Marso 25, 2015—Building 5
Nagtaod sa atop sa Building 5, nga gigamit kaniadto sa Translation Department. Gi-renovate kini nga bilding ug ang Audio/Video ug Service Department na karon ang naggamit niini.
Mayo 13, 2015—Bilding 5
Gamit ang chop saw, giputol-putol sa boluntaryo ang mga puthaw nga gamiton para sa mga bungbong sa opisina.
Basin Ganahan Pod Ka
MGA PROYEKTO SA PAGPANUKOD
Philippines Photo Gallery 2 (Hunyo 2015 Hangtod Hunyo 2016)
Bag-ong nahuman sa mga Saksi ni Jehova sa Pilipinas ang major renovation sa ilang sangang buhatan sa Quezon City. Tan-awa ang dagan sa trabaho.
MGA PROYEKTO SA PAGPANUKOD
Nakatukod nag 1,000 ka Kingdom Hall ug Magtukod Pa
Ang mga Saksi ni Jehova sa Pilipinas nakatukod nag 1,000 ka Kingdom Hall. Susiha kining talagsaong programa sa pagpanukod.
MGA PROYEKTO SA PAGPANUKOD
Mga Saksi ni Jehova—Nagkahiusa sa Pagpanukod
Ang mga Saksi ni Jehova, nga gikan sa lainlaing nasod, kultura, ug pinulongan, nagkahiusa sa pagdayeg kang Jehova pinaagi sa ilang pagpanukod ug mga Kingdom Hall ug uban pang mga bilding sa tibuok kalibotan.