꞊Ii. Pë ˗nu ˈwo˗ ˗zɔn ˈkpakpadhö ꞊dhɛ ˗Zlan ˗yö ˗dhö, Biblö ˗yö ˗an ˗wɔn ˗blɛɛ. ˗Yö kwa ꞊faan ˗mën ˗zo ˗yö ˗Zlan ˗dhɛ ˗sü ˗bha. ˈˈKɛɛ ˈyaa˗ ˈˈpiʋ̈ kö ˈkwa ˈto pë ˗nu ˈö ˗zlanwo ˈgümɛn ˗nu ˗wa pö ˗an ˈˈpiʋ̈ kwa tii ˗bha. ˗Ya ˈˈpiʋ̈ kö ˈkwa ˈwɔn ˗nu ˈˈpiʋ̈ ˈpɔn, kö ˈkwa ˗Zlan ‹˗dhɔ kë ˗kɔ ꞊dede ˈö˗ ˈgü ˗së ˗a wo› ‹ˈˈyaaki ˈka›. (1 Tesadhonikö 5:21, 1 Zan 5:20). Pë ˈbhaa ˗nu ˈwo˗ ˗zɔn Biblö ˈgü ꞊dhɛ ˗Zlan ˗yö ˗dhö ˈyö ˈwo ꞊nɛn:

•   Pë ˈˈpɛpɛ ˗ya ö ˗naan ˈka ˗sü ˈö ˈˈsɛ ˗todhʋ̈sü ˈgü, ˈö ˈˈtëpë ˗nu ˈdhö mü bhë, ˗ya ˗zɔn ꞊dhɛ ˗an ˗Damɛn ˗yö ˗dhö. Biblö ˗ya ˗pö: ‹ˈKɔ ˈˈpɛpɛ kö ˈdhö, mɛ ꞊në˗ ꞊gban dɔ, ˈsa ˗Zlan ꞊në pë ꞊gban ˈˈpɛpɛ ˗da›. (Eblö 3:4) ˈKö ˗kë ꞊dhɛ ˈwɔn ˗yökodhiʋ̈ ˗kɔ ˈö bhë ˗yö ꞊bhaasü, ˈsëëdhɛdɔmɛn ꞊vadhɛ ˗wa ˗yö ꞊dhɛ ꞊faan ꞊dede ˗ya ˗bha. a

•   ˈPë ˗kë ˈö ˈkwa ˗tosɛta ˗kë waa kwa ˗bha ˗dhɛkpaɔ dhiʋ̈ˈˈ ˗gɛn dɔ ˗sü ˗yö kwa ˈgü ˈkwa bhɔ ˗a ˈka. ˗Yö kë ˗sü ˈka ꞊dhɛ ˈˈyi mü ˗dhɔ ˈdhö kwa ˈgü. ˈKö ˗kë ˗ʒiaanwo ꞊dhɛ kwa kwa kwi ˗bhawɔnyëëpë ˈˈɲan ˗bhɔ, kwa˗ ˈˈpiʋ̈ ˗kplawo ˈkwa kwa ˗bha ˗këdhösü ˗gɛn dɔ. ˗A ˗wɔn ˈgü kwa˗ ˈˈpiʋ̈ ˈkwa ˗Zlan dɔ kö ˈkwa˗ ˗dhɔkë. Biblö ˗ya ˗pö ˈpö kwa ꞊mɔɔn˗ ˗bha ˈkwa ˗kë ˗a ˈˈtɔŋdë ˈka. (Zakö 2:23; ˗Dhɛkpaɔ dhiaˈˈ ˈsëëdhɛ 4:11) ˗Ya ˗zɔn ꞊dhɛ ˗Zlan ˈö kwa ˗dhɔ ˗ya ˗kë ˗yö ˗dhö, ˈö˗ ˈˈpiʋ̈ ˈkwa ö ˗dɔ, ˈkwa ö ˗dhɔkë.—Matiö 4:4.

•   Biblö ˗yö ˈwɔn ˗nu ˈwo ˗dho kë ˗an ˗to ˈˈdhiʋ̈ ˈö ˗an ˗blɛɛ, ˈö ˈwo yökodhiʋ̈ ˗a ˗kɔ ꞊dede ˗bha. ˈWɔn ˗nu ˈwo ˈˈdhʋ̈ ˗an ˗bha kë ˗sü ˈö ˈkpakpadhö bhë, ˗ya ˗zɔn ꞊dhɛ mɛnbhɩɩdhe ˗kɔ ˈgü ˗wɔn ˈyaa ˗nu.—2 Piɛdhö 1:21.

•   Biblö ˗bɛnzëmɛn ˗nu ˗wo ꞊klaŋ ˈˈgblʋ̈gblʋ̈ ˗nu draanpë ˗to ˈˈdhiʋ̈ ˈwo ˗an dɔ, ˈˈkɛɛ kö ˗an ˗bha ˈˈtʋ̈ŋ ˈgümɛn ˗nu ˗zë ˈwaa pë ˈbha dɔ ˗a ˈgü. ˗A ˈwɔnzuan do ˈnën ˗tɔ ꞊kwɛŋzü, mɛn ˗nu ˗kun wo ˗zota ˗ni ˈgü ꞊dhɛ ˈˈkpɔnŋtaadhɛ ˗yö ˗ya ˗sü ˈka wü ꞊taa (biö, ˈˈblü ˗bhɔ ɛɛnˈˈ ˗du). ˈˈKɛɛ kö Biblö ˗zë ˗ya ˗pö ˗Zlan ˗yö ‹ˈˈsɛ ˗dun ˈdhöŋ ˗ta.› (Job 26:7) Biblö ˗ya ˗kɔ ˈö ˈˈsɛ ˈdhö˗ ˈka ˗a ˗wɔn blɛɛˈˈ ˈzü, ˗ya ˗pö ˗yö «ˈˈglɔɔglɔ». (Isaiah 40:22) Mɛn ꞊vadhɛ ˗bha ˈgü, Biblö ˗bɛnzëmɛn ˗nu ˗bha ˈwɔn ˗nu ˗to ˈˈdhiʋ̈ ˗sü ˈö ˈwo˗ ꞊blɛɛ bhë, ˗ya ˗zɔn ꞊dhɛ ˗Zlan yöö ꞊dede ˈnën ˈö˗ pö ˗an ˗dhɛ.

•   Dhɛɛˈˈ ˈˈgbɩɩ˗ ˗nu ˈö mɛn yö ˈti ˗an ˗yɔ ꞊dede ˗nu ꞊slɔɔ, ˈö ꞊mɔɔn˗ ˗bha ˈö˗ pö ˗Zlan ˈyaa ˈdhö bhë, ˗an ˗yɔ ˗nu ˗wo Biblö ˈgü. ˗A dhɛɛˈˈ ˈbhaa ˗nu ˈtɔ˗: ꞊Ya kë ꞊dhɛ ˗Zlan ˈˈpii ˗yö ˈˈgbɩɩ˗, ˈö kwa ˗dhɔ ˗ya ˗kë, ˈmën ˗kë ˈö saanˈˈ waa ˈwɔn yaa ˗nu ˗wo ˗kë ˈˈkpɔnŋ ꞊taa? ˈMën ˗kë ˈö ꞊ya kë ꞊shiö ˈö ˗zlanwo ˈgümɛn ˗nu ˗wo mɛn ˗blü ˈwɔn yaa kë ˗sü ˗bha, ˈö ˈwaa mɛn ˗nu ꞊faan ˈmën ˈwɔn ˗së kë ˗sü ˗bha?—Titö 1:16.