AFANIKỌN̄ AWAK AKAHA
3 | Kere Ban̄a Mme Ufan Fo ye Mbonubon Fo
NTAK EDIDE AKPAN N̄KPỌ
Editịmede esịt idiọk ererimbot emi anam ediwak owo itịghi aba mbonubon mmọ ye mme ufan mmọ.
-
Ndusụk owo ẹdian̄ade ẹkpọn̄ mme ufan mmọ.
-
Nwan ye ebe ẹditie ikọ ikọ ke ufọk.
-
Mme ete ye eka idọn̄ke enyịn nte etiede nditọ mmọ ke idem.
Se Anade Ọdiọn̄ọ
-
Mme ufan ẹsin̄wam owo ọyọ ke ini afanikọn̄ ẹnyụn̄ ẹnam owo okop inemesịt.
-
Afanikọn̄ ererimbot emi ekeme ndinam owo enyene mfịna emi enye mîkodorike enyịn ke ubon esie.
-
Se nditọ fo ẹkopde ẹnyụn̄ ẹkụtde ke TV ke ini afanikọn̄ ekeme ndinen̄ede mfịna mmọ akan nte afịnade fi.
Se Ekemede Ndinam
Bible ọdọhọ ete: “Ata ufan amama ufan kpukpru ini, onyụn̄ edi eyeneka emi amanade ọnọ ini nnanenyịn.”—Mme N̄ke 17:17.
Kot mîdịghe ka bịne ufan fo emi ekemede ndin̄wam fi nnyụn̄ nnọ fi nti item. Ndidiọn̄ọ ke mme ufan nnyịn ẹma nnyịn, ke mmọ idinyụn̄ ikpọn̄ke nnyịn ikpat kiet, ekeme ndin̄wam nnyịn iyọ ke ini afanikọn̄.
Ekeme Ndidi Ayama Mmọ Emi N̄ko
ẸDEMEDE!
Nti Item Emi Ẹdinamde Odu ke Emem ye Mme Owo
Mme edu ewe ẹkeme ndin̄wam nnyịn ika iso idu ke emem ye mme owo?
