Se Idin̄wamde Fi Ekpep Ikọ Abasi
Mụm Mme Ikwọ Esop Abasi Dọn̄ ke Ibuot
Lorraine ke U.S.A. ọdọhọ ete: “Ini etiede mi ke idem nte n̄wọrọke n̄kpọ, Jehovah esida mme ikwọ ke Edinam TV Nnyịn ọdọn̄ mi esịt.”
Idịghe mfịn ke mme Christian ẹketọn̄ọ ndisikwọ ikwọ ntoro Abasi. (Col. 3:16) Edieke omụmde mme ikwọ esop Abasi ọdọn̄ ke ibuot, mmọ ẹkeme ndin̄wam fi idem ke ini mûnyeneke n̄wed ikwọ, fon, tablet, m̀mê n̄kpọ ntre. Se n̄kpọ ifan̄ emi ẹkemede ndin̄wam fi omụm mmọ ọdọn̄ ke ibuot. Domo mmọ se.
Da ini kot mme ikọ ikwọ oro man se mmọ ẹwọrọde an̄wan̄a fi. N̄kpọ akpan̄wan̄a fi, idisọn̄ke fi nditi. Mme ikọ ikwọ nnyịn, esịnede mbufa ikwọ ye ikwọ nditọwọn̄, ẹdu ke jw.org. Fịk Se Ẹdọn̄de, ekem fịk Ikwọ.
Sosion̄o mme ikọ ikwọ oro wet. Akpanam ntre, eyenen̄ede eti mmọ.—Deut. 17:18.
Kot mîdịghe kwọ yak uyo ọwọrọ. Kokot mîdịghe kwọkwọ ikwọ oro ediwak ini.
Se m̀mê emeti. Domo ndise m̀mê emeti mme ikọ ikwọ oro, edi kûse n̄wed. Ama okụre, se n̄wed m̀mê ama anam ndudue.