SE BIBLE ETỊN̄DE ABAN̄A | UTOM
Utom
Okposụkedi emi ẹkewetde Bible ke ata eset, item Bible ikpaha mmọn̄. Se enye etịn̄de aban̄a utom osụk enyenyene ufọn nte ekenyenede ke ini ẹkewetde enye.
Ikpese utom didie?
SE NDUSỤK OWO ẸTỊN̄DE
Ndusụk owo ẹdọhọ ke owo mîdaha utom esie nte ata akpan n̄kpọ ke uwem, ke enye idinyeneke eti utom. Emi anam ndusụk owo ẹsịn ibuot ẹsịn itọn̄ ke utom mmọ tutu mmọ inyeneke aba ini inọ idemmọ ye ubon mmọ.
SE BIBLE ỌDỌHỌDE
Bible etịn̄ nte ikpesede utom. Enye ọdọhọ ikûdi ifu, edi yak isisịn idem inam utom. (Mme N̄ke 6:
“Idụhe se ifọnde ye owo ikan ndidia nnyụn̄ n̄n̄wọn̄ nnyụn̄ nnam ukpọn̄ esie okụt se ifọnde ke ọkpọsọn̄ utom esie.”
—Ecclesiastes 2:24.
Ndi akpana inam utom ekededi?
SE NDUSỤK OWO ẸTỊN̄DE
Ndusụk owo ẹdọhọ ke idiọkke ndinam utom ekededi edieke ẹkpede okụk ọfọn. Emi esinam ndusụk owo ẹdiọk itọn̄ ẹnyụn̄ ẹdia owo ke mbubehe mmọ mîdịghe ẹnam utom emi ukara mînyịmeke.
Mbon en̄wen ẹma ndinam sụk utom emi enemde mmọ. Ndien edieke mmọ ẹnamde utom emi mînemke mmọ, mmọ imaha ndisịn idem nnam. Ndusụk mmọ isikam inyịmeke-nyịme ndinam utọ utom oro; ẹkere ke imokpon ikan utọ utom oro.
SE BIBLE ỌDỌHỌDE
Bible ọdọhọ yak ikûbian̄a owo ke utom m̀mê ke mbubehe nnyịn, ikûtụk owo, ikûnyụn̄ unam utom emi edidade afanikọn̄ isọk mbon en̄wen. (Leviticus 19:
Bible ọdọhọ n̄ko ke akpan ntak emi akpanamde owo anam utom edi man enye enyene se adiade ye se adade ese aban̄a ubon esie. Okposụkedi emi mîdiọkke owo ndikop inem utom esie, idịghe oro enen̄ede edi akpan n̄kpọ. Se isinamde inam utom edi man inyene se idiade.
“Ete mi esinyene ediwak n̄kpọ ndinam. Ke ẹsiode utom esie ẹfep, enye enyene ediwak utom ke esop Mme Ntiense Jehovah oro isidụkde. Enye isidaha utom esie ibre mbre. Edi enye esikụre utom esie ke ini onyụn̄ ọnyọn̄ edidu ye nnyịn ke ufọk. Kpa ye oro ete mi esinyenede ediwak n̄kpọ ndinam, enye iyakke utom adia enye idem.”
Nsọn̄ọn̄kpọ ekeme ndinam itịmede esịt m̀mê iyenyene se ididiade, edi Bible ọdọhọ iyụhọ ye se inyenede. Enye ọdọhọ ete: “Ke inyenede se idiade ye se isịnede ye itie udakibuot, nnyịn iyoyụhọ ye mme n̄kpọ emi.” (1 Timothy 6:8) Emi iwọrọke ke ana ikama idem ke ufen. Edi inaha iyom ndinyene enyọn̄ ye isọn̄ sia idịghe kpukpru n̄kpọ ke nnyịn idinyene okụk idep.
SE AKPANAMDE
Sịn idem nam utom. Wụt ke amama utom fo. Idem ọkpọkọm anam utom emi ediwak owo mîdaha ke n̄kpọ mîdịghe anam utom emi afo mûmaha, n̄wana diọn̄ọ utom oro. Edieke esịnde idem anam utom, oyokop inemesịt, ndien edieke enen̄erede ọdiọn̄ọ utom, utom fo edinenem fi.
Kpa ye oro, kûnam utom uwot idem. Siyom ini duọk odudu. Edieke ọduọkde odudu ke ama ekesịn idem anam utom, idem eyenen̄ede enem fi. N̄ko, edieke inamde utom inyụn̄ inyene se idiade, nnyịn idikereke ke nnyịn iwọrọke n̄kpọ, ndien mbonubon nnyịn ye mbon en̄wen ẹyekpono nnyịn.
“Ẹkûtịmede esịt ẹdọhọ ẹte, ‘Nnyịn ididia nso?’ m̀mê, ‘Nnyịn idin̄wọn̄ nso?’ m̀mê, ‘Nnyịn idisịne nso?’ . . . Ete mbufo eke heaven ọfiọk ke mbufo ẹmeyom kpukpru n̄kpọ emi.”
—Matthew 6: 31, 32.
Ekeme Ndidi Ayama Mmọ Emi N̄ko
ẸDEMEDE!
Ndi Bible ke Enyenyene Ufọn?
Raquel okpokoforo edieke enye ekenyịmede ndibọ ubọkedem, edi enye ọdọhọ ke ima inen̄ede ibọ ufọn ke ndikesịn ubọkedem oro.
ENYỌN̄-UKPEME
Se Akpanamde Man Ọkpọsọn̄ Utom Enenem Fi
Kot man ọfiọk ndusụk se Bible ọdọhọde anam man okop inem utom fo.
