‘Mibesi dɛn nye m’awofo abɔ nkɔmbɔ?’ ‘Mibesi dɛn apaw m’anyɛnkofo?’ ‘Sɛ menye obiara a mepɛ nya nda mu nkitahodzi a, aso ɔyɛ bɔn?’ ‘Ebɛnadze ntsi na midzi awerɛhow dɛm?’

Sɛ ebisa woho nsɛm a ɔtse dɛm pɛn a, ma ɔntsena w’adwen mu dɛ ɔnnyɛ wankotsee. Bi a ahwehwɛ dɛm nsɛmbsia yi no ho mbuae efi mbea ahorow bi, naaso mbuae ahorow a inyae no nnhyia. Nwoma a wɔato dzin Nsɛm A Mbabun Bisa​—No Ho Mbuae A Odzi Mũ, Ɔfã 1, botum aboa wo. Afotu a ɔwɔ nwoma yi mu no fi nsɛm a mfaso wɔ do a ɔwɔ Bible no mu no. Nyankopɔn n’Asɛm aboa nyimpa ɔpepem pii ma woetum egyina asetsena mu nsɛndzendzen ahorow ano. Nyankopɔn n’Asɛm botum aboa wo so!

Dɛm nsɛm ahorow yi na wɔaka ho asɛm wɔ ɔfã a odzi kan yi mu:

• Mbrɛ Ibesi Nye W’ebusuafo Atsena

• Nyimpa Ban A Eyɛ

• Skuul Mu Nsɛm

• Nda Mu Nkitahodzi, Abrabɔ Pa, Nye Nantsew A Odzi Awar Enyim

• Ndzeyɛɛ Ahorow A Obotum Edzi Wo Ewu

• Mbrɛ Ibesi Dze Wo Ber Edzi Dwuma

• Nyankopɔn A Ebɔsom No

• Nsɛm A Ɔkɔ Ma Awofo

Ibotum atwe nwoma yi ne PDF, anaa ibotum akyerɛw akɔ hɛn dwumadzibea ahorow no ma wɔaabrɛ wo dza woetsintsim no bi.

Hyɛ No Nsew: Wɔayɛ PDF dze no wɔ kwan bi do a ibotum akyerɛw nsɛm ahorow wɔ mu. Sɛ wo elektrɔnek efir no botum edzi dwuma a ɔtse dɛm a, ibotum akyerɛw wo nsɛm nye wo mbuae ahorow no tsenn wɔ nwoma no mu.