Ena ika20 ni Janueri 2020, era toki na lewenivuvale ni Peceli e Cameroon, ena valenivolavola ni tabana vou e Logbessou ena vuaicake ni siti o Douala. Era tiko ena itikotiko vou qori e le 59, ra veiqaravi tale ga kina. E le 71 tale era lako mai veisiga.

A tu e liu na valenivolavola ni tabana e Cameroon e Bonaberi, ena ra ni siti o Douala. E tiko kina eso na vale ra vakavoutaka na tacida ena 1993, ni oti e 23 na yabaki na kena vakatarai tale na noda cakacaka. Tekivu ena 1993, e tubu na kedra iwiliwili na dautukutuku ena yalava e qarava na valenivolavola ni tabana e Cameroon ena19,268, ina sivia na 52,000. E tubu tale ga ina 29 na vosa na kena vakadewataki kina na ivola vakaivolatabu. Na tubu ni cakacaka qori e vakavuna mera vaqara tale na tacida e dua na itikotiko vou. a

E tiko tale ga ena valenivolavola ni tabana vou qori e dua na vanua ni sarasara, ena qai dola ena icavacava ni 2020. E vakaraitaki kina na ka e caka tiko ena valenivolavola ni tabana, kei na itukutuku makawa me baleta na cakacaka vakavunau e Cameroon, Equatorial Guinea, kei Gabon.

E kaya o Brother Stephen Attoh, e dua vei ratou na lewe ni Komiti ni Tabana e Cameroon: “Keimami sega sara ga ni vakabauta ni keimami sa toki ena neimami itikotiko vou, e rairai vinaka dina. Ena vanua rairai vinaka me keimami qaravi Jiova kina, qori e vakadeitaka me keimami solia vua na neimami vinaka. E levu na ka vinaka e cakava vei keimami o Jiova, keimami na vuki tukuna tiko qori ena levu ni neimami marau.”—Same 145:7.