YADRA TIKO!
Veivakaroti na Daunipolitiki ena Amaketoni—Cava e Kaya na iVolatabu?
Ena ika10 ni Okotova 2022, e vakacabotetaka vakamataka o Rusia na gasaukuro ena levu na siti e Ukraine. Qori ni oti e rua na siga na kena vakacacani na wavu e semati rau tiko o Crimea kei Rusia. Era tukuna kina eso na daunipolitiki ni sa vakarau yaco na Amaketoni.
“Se sega ni yaco sara na Amaketoni ena gauna rau veibolebolei kina na matanitu o [Merika e Peresitedi tiko kina o John F.] Kennedy, kei na matanitu o Cuba. . . . Vaka vei au na rawarawa ni kena [vakayagataki] na iyaragi vakaniukilia ena gauna qo, e rawa ni vakavuna na Amaketoni.”—Joe Biden, Peresitedi kei Merika, Okotova 6, 2022.
“Sa yaco tu qo na Amaketoni, ena rivarivabitaki kina na vuravura taucoko.”—ka e tukuna na Peresitedi ni Ukraine o Volodymyr Zelensky, ni tarogi ena BBC News na ca ni iyaragi vakaniukilia, Okotova 8, 2022.
E rawa ni yaco na Amaketoni ena vakayagataki ni iyaragi vakaniukilia? Cava e kaya na iVolatabu?
E rawa ni yaco na Amaketoni ena vakayagataki ni iyaragi vakaniukilia?
Sega. Ena iVolatabu e laurai ga vakadua na vosa “Amaketoni” ena Vakatakila 16:16. E sega ni vakaibalebaletaka nodrau veivaluvaluti e rua na matanitu. E kena ibalebale ga nona veiraravui na Kalou, kei ira na “na tui kei vuravura.” (Vakatakila 16:14) Na Kalou ena vakayagataka na ivalu na Amaketoni me vakaotia na veiliutaki vakatamata.—Taniela 2:44.
Mo kila eso tale na ka ena yaco e vuravura ena ivalu na Amaketoni, wilika na ulutaga Na iValu Vakacava na Amaketoni?
Ena vakarusai na vuravura kei na ka e bula kina ena iyaragi vakaniukilia?
Sega. De dua era na vakayagataka na iliuliu vakatamata na iyaragi vakaniukilia ena gauna se bera mai. Ena sega ni vakalaiva na Kalou me vakarusa na vuravura. E kaya na iVolatabu:
“Na vuravura ena tu ga me tawamudu.”—Dauvunau 1:4.
“O ira na yalododonu era na taukena na vuravura, era na qai bula tawamudu kina.”—Same 37:29.
Ia na parofisai vakaivolatabu kei na ka e yaco tu nikua, e vakaraitaka ni na vakarau yaco e dua na veisau vakaitamera. (Maciu 24:3-7; 2 Timoci 3:1-5) Dikeva na ka e tukuna na iVolatabu me baleta na veigauna se bera mai, ni o vulica na iVolatabu e sega ni saumi.
Rawa ni o Wilika Tale ga
SAUMI NA TARO VAKAIVOLATABU
Ena Vakarusai na Vuravura?
E vakamatatataka na iVolatabu na inaki ni Kalou me baleta noda vuravura.
ESSENTIAL BIBLE TEACHINGS
Na Cava e Bulia Kina na Kalou na Vuravura?
E roboti vuravura na veika totoka. Donu vinaka na kena yawa mai na matanisiga, e veiraurau vinaka tale ga na kena sowiri, kei na kena vakalakala. Na cava e rui vinakata kina na Kalou me bulia na vuravura?
SAUMI NA TARO VAKAIVOLATABU
Cava na iVakatakilakila ni “iOtioti ni Veisiga” se “Gauna ni iCavacava”?
E parofisaitaka na iVolatabu ni levu na ka ena yaco vata ga ena dua na gauna.
YADRA TIKO!
Valuti Ukraine o Rusia—Sa Yaco Tiko qo na ka e Parofisaitaka na iVolatabu?
Saga mo kila na ibalebale ni ka e yaco qori.
NA VALE NI VAKATAWA
E Rawa Nida Bula ena Amaketoni?
E dau veivakarerei na vosa Amaketoni, ia na cava sara mada e vakaibalebaletaka?
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
