ULUTAGA LEVU | O KILAI IRA NA IVAKADINADINA I JIOVA?
Cava Keimami Vunau Kina?
Keimami kilaitani ena neimami dau cakacaka vakavunau—e veivale, matanalevu, kei na vanua ga era tu kina na lewenivanua. Cava mada keimami vunau tiko kina?
Na neimami vunau e baleta sara tiko ga na neimami via vakacaucautaka na Kalou kei na neimami vakatakila na yacana. (Iperiu 13:15) Keimami via talairawarawa tale ga vei Jisu Karisito, e vakarota: “O koya gona, ni lako moni vakavulici ira na lewe ni veivanua kece ga mera noqu tisaipeli, . . . vakavulici ira mera muria na ka kece au vakarota vei kemuni.”—Maciu 28:19, 20.
Keimami lomani ira tale ga na tamata. (Maciu 22:39) Keimami kila vinaka tu ni duidui nodra vakabauta vakalotu, era na sega ni taleitaka kece na neimami itukutuku. Ia keimami vakadeitaka ni na veivakabulai na itukutuku era tu ena iVolatabu. Qori na vuna keimami “sega ni cegu [kina] ena . . . veivakavulici kei na . . . vunautaka na itukutuku vinaka kei Jisu,” me vakataki ira ga na lotu vaKarisito ena imatai ni senitiuri.—Cakacaka 5:41, 42.
E vola o Antonio Cova Maduro, e dau dikeva na itovo ni tamata, ni “dua na ka na nodra sasaga, kei na veika dredre era sotava na iVakadinadina i Jiova, vaka kina nodra vakayagataka na ka kece e tu vei ira . . . , me rawa ga kina ni vakatetei e veiyasa i vuravura na ivola vakaivolatabu.”
Levu era sega ni iVakadinadina i Jiova era dau wilika na neimami ivola. Vica vata tale ga na milioni era vuli iVolatabu tiko era lewena e dua tale na lotu. Ia era vakavinavinakataka na neimami dau veisiko yani.
De dua e tiko eso tale na nomuni vakatataro me baleti keimami. Oni rawa ni kila na kena isau ni oni
-
Taroga e dua na iVakadinadina i Jiova.
-
Rai ena neimami website, na www.dan124.com.
-
Tiko ena neimami soqoni, e dola raraba qai sega ni saumi.
Rawa ni o Wilika Tale ga
TARO E TAROGI WASOMA
Era Vakabauta na iVakadinadina i Jiova Nira na Vakabulai Duadua Ga?
E vakamacalataka na iVolatabu se o cei ena vakabulai.
TARO E TAROGI WASOMA
E Tiko na Nomuni iTalatala Yalewa?
Na cava nodra itavi na yalewa ena cakacaka vakavunau era vakayacora na iVakadinadina i Jiova e veiyasa i vuravura?
TARO E TAROGI WASOMA
Era Doka na iVakadinadina i Jiova na Lotu Tale Eso?
Raica na sala era vakatakilakilataki kina na lotu vaKarisito dina ena nodra veidokai.
