Alaxɔ lɛ́ bibakpɔ́n
Mǐ ɖo ylɔ̌ylɔ́ we wɛ kpó akpakpa sɔ́ mɛ kpó ɖɔ a ní wá kpɔ́n alaxɔ mǐtɔn lɛ́, é wɛ è nɔ ylɔ́ ɖo kpaa mɛ ɖɔ Betɛ́li. Ðo alaxɔ mǐtɔn ɖé lɛ́ mɛ ɔ, a ná mɔ fɔwátɛ́ e mɛɖésúnɔ sixú xlɛ́ ali mɛɖée bo kpɔ́n lɛ́ é.
Alaxɔ lɛ́ bibakpɔ́n bo ɖi sa gbɔn mɛ lɛ́vɔ́ bɛ́: Ɖo to gěgé mɛ ɔ, è lɛ́ jɛ alaxɔ mǐtɔn lɛ́ ba kpɔ́n bo ɖi sa gbɔn mɛ jí ɖo 1er juin 2023. Nú a ná ɖó mɔjɛmɛ d'é jí hǔn, ylɔ̌ alaxɔ e a jló ná ba kpɔ́n bo ná ɖi sa gbɔn mɛ é. Ényí a ɖó Covid-19, grippe sín wuntun lɛ́, alǒ a nɔ kpɔ́ xá mɛ e è mɔ Covid-19 ɔ ná é ɖé hǔn, kɛnklɛ́n bo ma yi ba alaxɔ ɔ kpɔ́n ó.
Allemagne
Nǔ Ðěɖee Kúnkplá Saɖiɖi lɛ É
A ka ɖó na sɔ́ tɛnmɛ ɖ’ayǐ cobo wá ba alaxɔ ɔ kpɔ́n wɛ à? Ɛɛn. Bonu gbɛtɔ́ ma wá sukpɔ́ dín ó, bɔ è ka na lɛ́ kúdeji ɖɔ mɛ bǐ ɖu saɖiɖi ɔ sín vivǐ bǐ mlɛ́mlɛ́ ɔ, mǐ byɔ saɖitɔ́ lɛ bǐ ɖɔ ye ni sɔ́ tɛnmɛ ɖ’ayǐ nú saɖiɖi ɔ cobo wá, gbɛ̌ta yetɔn na bo tlɛ d’agba alǒ hwe ɔ nɛ.
Enyi a ma sɔ́ tɛnmɛ ɖ’ayǐ ǎ ɔ, a ka sixu kpéwú bo ɖisa à? Enyi a ma sɔ́ tɛnmɛ ɖ’ayǐ nú saɖiɖi ɔ ǎ ɔ, mǐ sixu kánɖeji ɖɔ mǐ na yí we ǎ. Ðó tɛnmɛ ma ɖè sɔmɔ̌ ǎ wutu ɔ, mɛ nabi ɖé jɛn sixu kpéwú bo na ɖisa ɖò azǎn ɖokpo ɖokpo jí.
Gan nabi mɛ a ka ɖó na wá nú saɖiɖi ɔ? Bonu gbɛtɔ́ má wá sukpɔ́ dín ó ɔ, mǐ byɔ we ɖɔ a ni ma yawǔ wá hugǎn ganxixo ɖokpo jɛ nukɔn nú saɖiɖi ganmɛ towe ó.
Nɛ̌ a ka sixu sɔ́ tɛnmɛ ɖ’ayǐ gbɔn? Zǐn “Sɔ́ Tɛnmɛ Ð’ayǐ.”
A ka sixu ɖyɔ tɛnmɛ e a sɔ́ é, alǒ gbɛ́ à? Ɛɛn. Zǐn “Kpɔ́n Alǒ Ðyɔ Tɛnmɛ E A Sɔ́ É.”
Enyi saɖiɖi ma ɖè ɖò azǎn e nyɔ́ nú we lɛ é jí ǎ ɔ ka lo? Kpò ɖò tɛn Ɛntɛnɛti tɔn ɔ jí kpɔ́n wɛ. Tɛnmɛ nɔ wá ɖè hwenu e mɛ e sɔ́ tɛnmɛ lɛ é ɖyɔ tɛnmɛ e ye sɔ́ lɛ é, alǒ gbɛ́ é.
Fɔwatɛ Lɛ
Fɔwatɛ́ Dó Tɛntin Elɔpu Tɔn Sín Hwenuxó Jí. Ðò fɔwatɛ́ mǐtɔn e sín xóta nyí “Tan Xwédo Tɔn“ é kɔn ɔ, jonɔ lɛ sixu kplɔ́n nǔ dó hwenuxó Kúnnuɖetɔ́ Jehovah tɔn ɖěɖee ɖò Autriche, Allemagne, Liechtenstein, Luxembourg kpo Suisse kpo lɛ é tɔn wu. Fɔwatɛ́ enɛ xlɛ́ lee Jehovah kɔn nyɔna dó wɛnɖagbejijlazɔ́ ɔ jí ɖò avla elɔ lɛ mɛ gbɔn é: sín hwenu e wɛnjlatɔ́ akɔ́nkpantɔ́ e ɖò zɔ lɛ é bɛ́ azɔ̌ enɛ kpɛɖé kpɛɖé ɖò xwè 1890 lɛ mɛ é, ɖò táan ɖěɖee mɛ è gbɛ́ azɔ̌ mǐtɔn lɛ bo lɛ́ dóya nú mǐ ɖè lɛ é, kaka jɛ nukɔnyiyi ɖaxó e tíìn ɖò hwe mǐtɔn nu dìn é jí.
Adlɛsi kpo Alokankɛ́n Kpo