Mǐ ɖó na nɔ xoɖɛ sɛ́dó Mawu ɖò Jezu sín nyikɔ mɛ, ɖó ali ɖokpo e Mawu yí gbè ɖɔ mǐ ni gbɔn bo sɛkpɔ́ Emi é nɛ. Jezu ɖɔ: “Nyɛ wɛ nyí ali ɔ, bo nyí nǔgbo ɔ, bo ka lɛ́ nyí gbɛ̀ ɔ. Mɛ ɖebǔ sixu yì Tɔ́ ɔ gɔ́n nyɛ mɛvo ǎ.” (Jaan 14:6) Jezu lɛ́vɔ ɖɔ nú mɛsɛ́dó tɔn gbejinɔtɔ́ lɛ ɖɔ: “Má ɖɔ nǔgbo nú mi: nǔ e mi na byɔ Tɔ́ ɔ, é na na bǐ mi ɖò nyikɔ ce mɛ.”—Jaan 16:23.

Hwɛjijɔ ɖevo e wu mǐ na nɔ xoɖɛ ɖò Jezu sín nyikɔ mɛ lɛ é

•   Mǐ nɔ kpa susu nú Jezu kpo Tɔ́ tɔn, Jehovah Mawu kpo.—Filipunu lɛ 2:9-11.

•   Mǐ nɔ xlɛ́ ɖɔ kú Jezu tɔn e gblamɛ Mawu gbɔn bo hun hwlɛngán li nú mǐ é sù nukún mǐtɔn mɛ.—Matie 20:28; Mɛsɛ́dó 4:12.

•   Mǐ tuùn azɔ̌ bǔnɔ e Jezu ɖó, bo nyí Hwɛgbotɔ́ ɖò Mawu kpo gbɛtɔ́ lɛ kpo tɛntin é.—Eblée lɛ 7:25.

•   Mǐ nɔ ɖó sísí nú Vɔsanúxwlémawutɔ́ Ðaxó e Jezu nyí, bo sixu d’alɔ mǐ bɔ mǐ na ɖó kancica ɖagbe ɖé xá Mawu é.—Eblée lɛ 4:14-16.