NǓKPLƆNKPLƆN 02
Biblu Na Mɛ Nukúnɖiɖó
Gbɛtɔ́ e gbɔn gbɛ̀ ɔ bǐ mɛ lɛ é nɔ ɖí xwi xá tagba ɖěɖee nɔ zɔ́n bɔ ye nɔ byɔ aluwɛ mɛ, nɔ ɖó adohu adohu, bo tlɛ nɔ lɛ́ sè wuvɛ̌ lɛ é. Nǔɖe ka ko jɛ dó jǐ towe, bo zɔ́n bɔ nǔ cí mɔ̌ nú we kpɔ́n à? Vlafo azɔn, alǒ kú mɛvívɛ́ towe ɖé tɔn zɔ́n bɔ a ɖò wuvɛ̌ sè wɛ. A sixu ko nɔ kanbyɔ hwiɖée ɖɔ, ‘Gbɛ̀ ka na wá kpɔ́n te gbè ɖokpo à?’ Biblu na xósin e na mɛ ganjɛwu é ɖé nú nǔkanbyɔ enɛ.
1. Nukúnɖiɖó sɔgudo tɔn tɛ Biblu ka na mǐ?
É nyí nǔ e wu tagba lɛ gɔ́ gbɛ̀ ɔ mɛ é kɛɖɛ wɛ Biblu tinmɛ nú mǐ ǎ, loɔ, é lɛ́ dó wɛn ɖagbe lɛ nú mǐ ɖɔ tagba enɛ lɛ ɔ, hwenu klewun ɖé tɔn wɛ, bo na bú zaanɖé dìn. Akpá Biblu tɔn lɛ sixu “na [we] sɔgudo ɖé kpo nukúnɖiɖó ɖé kpo.” (Xà Jelemíi 29:11, 12, nwt.) Nukúnɖiɖó enɛ sixu d’alɔ mǐ, bɔ mǐ na dɛ ɖò tagba mǐtɔn lɛ nu, bo tlɛ na lɛ́ ɖó awǎjijɛ dìn. Akpá enɛ lɛ lɛ́ na ganjɛwu mǐ ɖɔ mǐ na wá j’awǎ kaka sɔyi.
2. Sɔgudo alɔkpa tɛ xó Biblu ka ɖɔ?
Biblu ɖɔ ɖɔ ɖò sɔgudo ɔ, ‘kú kún sɔ́ na tíìn ó, aluwɛ kún sɔ́ na tíìn ó, alěnina kún sɔ́ na tíìn ó, wuvɛ̌ mimɔ kún sɔ́ na tíìn ó.’ (Xà Nǔɖexlɛ́mɛ 21:4.) Tagba ɖěɖee sixu zɔ́n bɔ sɔgudo na d’ablu dó mǐ ɖò égbé lɛ é, ɖi ya, nǔagɔwaxámɛ, azɔn kpo kú kpo sɔ́ na tíìn ǎ. Biblu d’akpá ɖɔ gbɛtɔ́ lɛ na ɖu gbɛ̀ víví ɖò Palaɖisi mɛ ɖò ayikúngban jí.
3. Nɛ̌ a ka sixu bló gbɔn bɔ jiɖe e a ɖó dó nukúnɖiɖó e Biblu na mǐ é wu é na lidǒ?
Mɛ gegě nɔ ɖó nukún ɖɔ nǔ ɖagbe lɛ ni jɛ, amɔ̌, ye nɔ kpéwú bo nɔ kúdeji ɖɔ nǔ e ɖó nukún wɛ emi ɖè lɛ é na jɛnu gbè ɖokpo ǎ. Nǔ e sín akpá Biblu dó lɛ é tɔn ka gbɔn vo. Nú mǐ “nɔ kíjé Mawuxówema ɔ” ɔ, mǐ na bló bɔ jiɖe e mǐ ɖó dó nǔ e é ɖɔ é wu é na lidǒ. (Mɛsɛ́dó 17:11) Enyi a ɖò Biblu kplɔ́n wɛ ɔ, hwiɖesu na kpéwú bo wá gbeta ɔ kɔn ɖɔ emi na ɖi nǔ nú nǔ e é ɖɔ dó sɔgudo wu é, alǒ gbɔ.
BA DÒ NÚ NǓ D’EJI
Gbějé nǔ ɖěɖee sín akpá Biblu dó dó sɔgudo wu é ɖé lɛ kpɔ́n. Kpɔ́n lee nukúnɖiɖó e Biblu na mǐ é ɖò alɔ dó mɛ lɛ wɛ ɖò égbé gbɔn é.
4. Biblu d’akpá nú mǐ ɖɔ mǐ sixu nɔ gbɛ̀ kaka sɔyi ma mɔ wuvɛ̌ ɖebǔ
Kpɔ́n akpá e è slɛ́ bɔ d’ewu, bɔ è mɔ ɖò Biblu mɛ lɛ é. Ðětɛ lɛ ka dɔn we hugǎn? Aniwu?
Xà wemafɔ ɖěɖee ɖò akpá enɛ lɛ kpá é, bo na xósin nú nǔkanbyɔ elɔ lɛ:
-
A ka mɔ ɖɔ wemafɔ enɛ lɛ na nukúnɖiɖó mɛ à? Ye ka sixu na nukúnɖiɖó xwédo towe kpo xɔ́ntɔn towe lɛ kpo à?
Dǒ nukúnmɛ kpɔ́n ɖɔ a ɖò gbɛ̀ lěhun mɛ:
|
MƐÐÉ SƆ́ NA . . . |
MƐ BǏ NA . . . |
|---|---|
|
|
|
|
|
|
|
|
|
|
5. Akpá e Biblu dó lɛ é sixu ɖyɔ nǔɖe
Mɛ gegě tíìn bɔ awakanmɛ nɔ kú ye, alǒ tlɛ nɔ sin xomɛ, ɖó tagba e lɛlɛ̌ dó ye lɛ é wu. Ye mɛɖé lɛ nɔ dó gǎn syɛnsyɛn bo na bló bɔ nǔ lɛ na kpɔ́n te. Kpɔ́n lee akpá Biblu tɔn e ɖɔ ɖɔ nǔ lɛ na wá kpɔ́n te é ɖò alɔ dó gbɛtɔ́ lɛ wɛ dìn gbɔn é. Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.
-
Ðò video ɔ mɛ ɔ, nǔagɔwaxámɛ tɛ ka ɖó akpɔ nú Rafika?
-
Nǔagɔwaxámɛ e é mɔ é bú ǎ có, nɛ̌ Biblu ka d’alɔ ɛ gbɔn?
Nukúnɖiɖó e Biblu na mǐ é sixu d’alɔ mǐ, bɔ mǐ na ɖu ɖò awakanmɛ kú mɛ jí, bo na lɛ́ ɖí xwi xá tagba mǐtɔn lɛ b’ɛ na kpa mǐ. Xà Nǔnywɛxó 17:22 kpo Hlɔmanu lɛ 12:12 kpo, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Nǔ e Biblu ɖɔ dó sɔgudo wu lɛ é ka sixu bló bɔ gbɛzán towe na kpɔ́n te dìn à? Etɛwu a ka lin mɔ̌?
MƐÐÉ LƐ ÐƆ: “Akpá ɖěɖee Biblu dó dó sɔgudo wu lɛ é ɔ, dlɔ̌ kpowun wɛ.”
-
Etɛwu a ka mɔ ɖɔ é ɖò taji ɖɔ a ni ba dò nú nǔ d’ewu?
ETƐ LƐ A KA KPLƆ́N?
Biblu dó akpá gegě nú mǐ dó sɔgudo wu. Enɛ zɔ́n bɔ mǐ ɖó nukúnɖiɖó, bɔ gbɛ̀ mǐtɔn lɛ́ kpɔ́n te dìn.
Vɔ̌gbɔnji
-
Etɛwu gbɛtɔ́ lɛ ka ɖó na tuùn akpá Mawu tɔn lɛ?
-
Etɛ Biblu ka ɖɔ dó sɔgudo wu?
-
Nɛ̌ nukúnɖiɖó sɔgudo tɔn ka sixu d’alɔ we dìn gbɔn?
KÍJÉ
Kpɔ́n lee nukúnɖiɖó sixu d’alɔ we hwenu e a ɖò wuvɛ̌ lɛ mɛ é gbɔn é.
“Nukúnɖiɖó: Fitɛ È ka Sixu Mɔ Ðè?” (Réveillez-vous! 22 avril 2004)
Kpɔ́n lee nukúnɖiɖó sɔgudo tɔn sixu d’alɔ mɛ ɖěɖee ɖò azɔn jɛmagbɔ jɛ wɛ lɛ é gbɔn é.
“Azɔn Jɛmagbɔ Nu Didɛ Ðè: Biblu ka Sixu D’alɔ À?” (Xóta Ɛntɛnɛti jí tɔn)
Ee a na ɖò nǔxixo sín video elɔ kpɔ́n wɛ é ɔ, dǒ nukúnmɛ kpɔ́n ɖɔ hwi kpo xwédo towe kpo ɖò gbɛ̀ sín vivǐ ɖu wɛ ɖò Palaɖisi sɔgudo tɔn e sín akpá Biblu dó é mɛ.
Xà lee gbɛzán mɛ e nɔ jɛhun dó ganjininɔ kanlin lɛ tɔn jí é ɖé tɔn huzu, hwenu e é kplɔ́n nǔ dó nukúnɖiɖó sɔgudo tɔn Biblu tɔn jí é gbɔn é.
“Un Sɔ́ Nɔ Lin Dìn Ðɔ Un Ðó Na Huzu Gbɛ̀ ɔ Ǎ” (Atɔxwɛ [Flansegbe] 1er juillet 2013)
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
