Yesaia 13:1-22
13 Sane ni awie ashi Babilon+ ni Amoz binuu Yesaia+ na yɛ ninaa mli lɛ nɛ:
2 “Nyɛwóa okadi ko nɔ+ yɛ* gɔŋ kpataa nɔ.
Nyɛboa nyɛtsɛa amɛ, nyɛfɔ̃a amɛ nine,Koni amɛba abladei agbói lɛ amli.
3 Miwo mɛi ni mihala* lɛ kitã.+
Mitsɛ mitawulɔi lɛ koni amɛbajie mimlifu lɛ kpo,Mitawulɔi ni nyaa ni amɛshiɔ amɛtsitsi lɛ.
4 Naa, nyɛboa toi! Mɛi babaoo ko yɛ gɔji lɛ anɔ;Gbee ni minuɔ lɛ tamɔ mɛi babaoo agbee!
Nyɛboa toi! Maŋtsɛyelii ni miifee hoo,Jeŋmaji ni abua amɛnaa agbee!+
Yehowa, taiatsɛ lɛ, miibua asraafoi anaa kɛhã ta.+
5 Amɛmiiba kɛmiijɛ shikpɔŋ ko ni yɔɔ shɔŋŋ nɔ,+Kɛmiijɛ ŋwɛi naagbeehei lɛ,Yehowa kɛ emlifu tawuu nii lɛ miiba,Koni ebafite shikpɔŋ muu lɛ fɛɛ.+
6 Nyɛwoa yara, ejaakɛ Yehowa gbi lɛ ebɛŋkɛ!
Ebaaba akɛ hiɛkpatamɔ ni jɛ Ofe lɛ ŋɔɔ.+
7 No hewɔ ni niji fɛɛ amli baajɔ lɛ,Ni gbeyeishemɔ baahã tsui fɛɛ tsui asere.+
8 Mɛi atsui efã.+
Amɛmiikpokpo waa ni amɛmiipiŋTamɔ yoo ni fɔmɔ eta ehe.
Amɛnaa ekpɛ amɛhe ni amɛmiikwɛkwɛɛ amɛhiɛiaŋ,Ni amɛhao aahu akɛ amɛhiɛ etsu waa.
9 Naa! Yehowa gbi lɛ miiba,Eeba kɛ mlila kɛ mlifu ni naa wa,Koni ehã shikpɔŋ lɛ atsɔ he ko ni hãa mɔ he jɔ̃ɔ ehe,+Ni ekpãtã eshafeelɔi ni yɔɔ shikpɔŋ lɛ nɔ lɛ ahiɛ kɛje nɔ.
10 Ejaakɛ ŋwɛi ŋulamii kɛ amɛkui lɛ*Kpɛŋ;+Hulu lɛ baawo duŋ kɛ́ ete shi,Ni nyɔɔŋtsere lɛ hu kpɛŋ.
11 Magbala shikpɔŋ ni mɛi yɔɔ nɔ lɛ toi yɛ enɔfɔŋfeemɔ lɛ hewɔ,+Kɛ mɛi fɔji lɛ hu toi yɛ amɛtɔmɔ lɛ hewɔ.
Mahã shwã ni mɛi ni yeɔ amɛtsuinaa sane lɛ shwãa lɛ sɛɛ afo,Ni maba yiwalɔi lɛ ashi yɛ amɛhenɔwomɔ lɛ hewɔ.+
12 Mahã gbɔmɔ adesa* he asɛ̃ fe shika tsuru ni atsuu he,+Kɛ gbɔmɔ hu, fe Ofir+ shika tsuru.
13 No hewɔ ni mahã ŋwɛi akpokpo,Ni shikpɔŋ lɛ ahoso kɛje egbɛhe lɛ+Yɛ Yehowa, taiatsɛ lɛ, mlila lɛ naa, yɛ emlifu ni naa wa lɛ gbi lɛ nɔ.
14 Mɔ fɛɛ mɔ baaku esɛɛ kɛya lɛ diɛŋtsɛ emaŋ;Mɔ fɛɛ mɔ baajo foi kɛya lɛ diɛŋtsɛ eshikpɔŋ nɔ,Tamɔ adowa ni aagbɔbi lɛ, kɛ toi ni mɔ ko bɛ ni buaa amɛnaa.+
15 Mɔ fɛɛ mɔ ni abaana lɛ lɛ, abaatsu lɛ nɔ,Ni mɔ fɛɛ mɔ ni abaamɔ lɛ lɛ, akɛ klante baagbe lɛ.+
16 Akɛ amɛbii lɛ baatswia shi yɛ amɛhiɛ,+Abaaloo amɛshĩai lɛ amli nibii lɛ kɛya,Ni abaato amɛŋamɛi lɛ kabonaa.
17 Naa, matee Mediabii+ lɛ,Mɛi ni ebuuu jwiɛtɛi amɛhãaa nɔ koNi amɛnyaaa shika tsuru he lɛ ashi mawo amɛ.
18 Amɛgãii lɛ baajwara oblahii;+Amɛmusuŋ etsɔŋ amɛ yɛ musuŋbii aheNi amɛnaŋ gbekɛbii hu mɔbɔ.
19 Ni Babilon, maŋtsɛyelii lɛ ateŋ nɔ ni hiɛ yɔɔ nyam fe fɛɛ lɛ,*+Kaldeabii lɛ ahefɛo kɛ amɛshwãa nɔ lɛ,+Baatsɔ tamɔ bɔ ni Sodom kɛ Gomora tsɔ be ni Nyɔŋmɔ butu amɛ lɛ.+
20 Mɔ ko mɔ ko ehiŋ yoo* nɛɛ mli dɔŋŋ,Ni etsɔŋ mɔ ko mɔ ko shihilɛhe yɛ yinɔi fɛɛ amli.+
Arabnyo ko efeŋ emama tsũ yɛ jɛmɛ,Ni tookwɛlɔi hu hãŋ amɛtookui abumɔ shi yɛ jɛmɛ.
21 Ŋa kpataa nɔ kooloi bakamɔ shi yɛ jɛmɛ;Amɛshĩai lɛ amli baayimɔ obɔbɔ kɛ patui.
Okpɔŋɔ-loofɔji* hu baahi jɛmɛ,+Ni ŋa mli abotiai* baatumɔ yɛ jɛmɛ.
22 Kooloi ni bolɔɔ tamɔ gbei baabolɔ yɛ yoo lɛ mɔji lɛ amli,Kɛ ŋa mli gbei hu yɛ emaŋtsɛ shĩai fɛfɛji lɛ amli.
Yoo lɛ be ebɛŋkɛ, ni akɛ gbii lɛ eko fataŋ egbii lɛ ahe.”+
Shishigbɛ Niŋmaa
^ Loo “Nyɛkɛ tso jaŋŋ ko amaa.”
^ Hebri sht. ŋm., “mɛi ni mikɛto afã.”
^ Hebri sht. ŋm., “kɛ amɛ-Kesil srɔtoi lɛ,” eeenyɛ efee akɛ, ekɔɔ Orion ŋulamiku kɛ ŋulamikui krokomɛi ni yɔɔ emasɛi lɛ ahe.
^ Loo “gbɔmɔ ni gboɔ.”
^ Loo “maŋtsɛyelii lɛ ahewulamɔ nɔ lɛ.”
^ Ni ji, Babilon.
^ Loo “Dugumai.” Blɔfo mli lɛ, ostrich.
^ Shishitsɔɔmɔi komɛi kɛɔ akɛ, “daimonioi abotiai.”
