LALA 44
Sɔlemɔ Kɛhã Yelikɛbuamɔ
(Lala 4:1)
-
1. Yehowa Nyɔŋmɔ, ofainɛ
bo misɔlemɔ toi.
Misusuma miifo
kɛ awrɛho, ni mijijaa.
Minijiaŋ eje wui
ni haomɔi ehã migbede.
Ao, miishɛjemɔ Nyɔŋmɔ, ofainɛ
naa mi mɔbɔ.
(NƆHEREMƆ)
Wajemɔ mi; hã mafi shi.
Kɛ́ milaaje, tsɔɔmɔ mi gbɛ.
Kɛ́ mijijaa, ye obua mi.
Yehowa, wó mi hewalɛ.
-
2. O-Wiemɔ lɛ shɛjeɔ mimii
be ni mifee gbedee,
Emli wiemɔi hãa hiɛnɔkamɔ
yɛ awrɛho beiaŋ.
Ofainɛ hã maná
hemɔkɛyeli ni mli wa.
Hã male akɛ osuɔmɔ lɛ
da fe mitsui kwraa.
(NƆHEREMƆ)
Wajemɔ mi; hã mafi shi.
Kɛ́ milaaje, tsɔɔmɔ mi gbɛ.
Kɛ́ mijijaa, ye obua mi.
Yehowa, wó mi hewalɛ.
(Kwɛmɔ Lala 42:6; 119:28; Rom. 8:26; 2 Kor. 4:16; 1 Yoh. 3:20 lɛ hu.)