TE TAUA-N-TANTANI Na. 1 2018 | E Manena te Baibara ni Boong Aikai?
E MANENA TE BAIBARA NI BOONG AIKAI?
Ngkai ti a maeka n te aonnaba ae e mamate nanoia kaaina ni kukune aika boou, nanona ngkanne bwa e a aki manena te Baibara, ngkai te boki nikawai? E kangai te Baibara:
“E kairaki korean te Koroboki ae Tabu ni kabane iroun te Atua ao e manena.”—2 Timoteo 3:16.
E maroroakinaki n Te Taua-n-Tantani aei ana taeka te Baibara ae e boni kona ni kairira n iterani maiura ni kabane.
E Manena Ngkai Ana Kairiri te Baibara?
Ngkai a tatauraoi n taai nako rongorongo aika boou, e aera bwa ti na tabe ma te boki ae e a kaania 2,000 te ririki maanna? E Manena Ngkai Ana Kairiri te Baibara?
Ana Reirei te Baibara Bon te Wanawana ae Teimatoa
A aki kona ni bane tain ana reirei te Baibara ngkana a kabotauaki ma te rabakau ae boou, bwa a boto i aoni booto n reirei aika manena ao a teimatoa.
E a Bane Taina ke E Moantaai n Taekini Bwaai?
Te Baibara bon tiaki bokin te rabakau n aonnaba, ma a kaotaki iai taekan te rabakau n aonnaba aika ko kona ni mimi iai.
1 E Ibuobuoki n Totokoi Kangaanga
Iangoa aroni wanawanan te Atua n tia ni buokia aomata bwa a na totokoi kangaanga ake a rangi ni kakaiaki.
2 E Ibuobuoki ni Katoki Kangaanga
E anga te wanawana te Baibara bwa ti na tokanikai i aoni kangaanga aika wenemaan ao mani kamarakinano, n aron te raraoma ae riao, te kakabanetai, ao te maroaa n uringaaba.
3 E Ibuobuoki ni Kaaitarai Kangaanga
Tera aroni kangaanga aika aki kona n totokoaki ke ni katokaki, n aron te aoraki ae wenemaan ke te mate?
Te Baibara ao Ngkoe n Taai Aika Imwaim
E buokira Ana Taeka te Atua ni kaaitarai baika kona n riki n aroni kangaanga ni katoabong aika ti kaaitara ma ngaai n te aonnaba aei. Ma e bati riki buokara n te Baibara. E kaotaa naba kawaira bwa ti na nori taai aika a na roko.
Tera Am Iango?
Iangoa te bae a kakoauaa aomata tabeman ao ana reirei te Baibara i aon te titiraki anne.
