Tɔn Mɛniɠaai Gwɛli Yɛli Ɓa
Maalaa yii gaa ɉɛɓɛ pɛɛn nua yəi
© 2014 “ Watch Tower Bible and Tract Society of Pennsylvania, Inc. ” Maa ho nɛɛ li di ho maapənə.
“ Watchtower Bible and Tract Society of New York, Inc. ” (“ Watchtower ”) ɓə gaa a gwɛli yɛlii ŋɛi namu. Ho kɛli lɔ a kulɔ pələ takpɛli, ɉɛɓɛɠaai kpɔ di kaa ɉu, “ Watch Tower Bible and Tract Society of Pennsylvania ” ŋɔɔ ɓaa gəlee.
Kɔlɔn ɉɛnŋaa
“ Adobe ”, “ Adobe ” ŋɔ logo, “ Acrobat ” da “ Acrobat ” ŋɔ logo di kaa a “ Adobe Systems Incorporated ” ŋɔ hɛn gbɛtɛɛɠaa; “ iTunes ” da “ iPod ” di kaa a “ Apple Inc ” ŋɔ hɛn gbɛtɛɛɠaa. Yiiɠaa nu takpɛliɠaa di gbɛtɛ, namənaa laa kaa ma.
Yii maanɛɛ ə́ gɛ yɛ́ pɛli kóló kɛi gwɛli yɛlii ŋɛi ɓa
Pələi maanɛɛ nu ə kóló kɛ la gwɛli yɛlii ŋɛi ɓa, bələ kaa ma. Ya kɛi kóló kɛ gwɛli yɛlii ŋɛi ɓa, a kɛtii, pələi manɛɛ nu ə kóló kɛ la ma, yaa hwaa ma. Akɛ ho hwaa li ma, hwa pɛli kóló kɛi gwɛli yɛlii ŋɛi ɓa.
Pələi maanɛɛ nu ə kóló kɛ la gwɛli yɛlii ŋɛi ɓa, bələ ka : ya pɛli ə́ ɉu kaa, ə́ hɛnŋaa telesalizə, awala kɛtii ə́ di impilimə. Di kaa a hɛɓɛ yii da pɛli nɔi ɔlidinatɛɛli hu, telefɔni hu, wələ, foto, filimə (“ ɉu hɛnŋaa ”). Ya hɛn da həɠə laa, maa ho nɛɛ li ho nɔwɔ tɔɔ, yɛ pələi dɔn nwooɠaa kaa moi la yɛ hwilɛn na pələi maanɛɛ nu ə kóló kɛ la gwɛli yɛlii ŋɛi ɓa. Dɔn nwooɠaa tii ka :
Maa ho nɛɛ li ho hɛn da həɠə gwɛli yɛlii ŋɛi ɓa, ho li la kwɛli yɛli takpɛli ɓa.
Maa ho nɛɛ li ho hɛn da həɠə gwɛli yɛlii ŋɛi ɓa, ho nɔ lozisiɛli takpɛli hu.
Ya hɛn da həɠə gwɛli yɛlii ŋɛi ɓa, maa ho nɛɛ li ho gulɔ tama nɔwɔtɔɔ mɛni ɓa. Ho nɔ ɔlidinatɛɛli hu awala kɛtii ho li la kwɛli yɛli takpɛli ɓa wali kwɛli mɛni ɓa.
Maa ho nɛɛ li ho gwɛli ŋɛi ŋɔ code source kpɛtɛ ə lɛɛ ho ɲaakwɛlɛ. Maa ho nwɔnɔ nɛɛ li ho tɛɛ a kpaalə ta yii yaan ə́ maa mɛniɠaa kəlee kɔlɔn ə lɛɛ ə́ di ɲaakwɛlɛ.
Maa ho nɛɛ li ho mɛni ta kɛ yii a gɛ nua di pɛli lɔi gwɛli yɛlii ŋɛi ɓa. Yili kɛ pələ ta ɓaa ə́ ŋɔ kóló kɛ pələ maahwalən, awala kɛtii yɛ́ tɛɛ a kpaalə takpɛli yɛ́ naa ɓo.
Maa ho nɛɛ li ho kóló kɛ gwɛli yɛlii ŋɛi ɓa a gala pələ, awala kɛ tii ho tɛɛ a kpaalə ta yii a gɛ nua di hwa pɛli kóló kɛi ma ɉaɉa. Maa ho nwɔnɔ nɛɛ li ho mɛni ta kɛ la yii ho pɛli li ɉu.
Maa ho nɛɛ li ho kóló kɛ gwɛli yɛlii ŋɛi ɓa wali hɔlɔɓo mɛni ɓa.
Nu awala dɔn nwooɠaa ŋɛi pɔ túwɔ́ ɓo
Ya wala dɔn nwooɠaa ŋɛi pɔ túwɔ́ ɓo, “ Watchtower ” a pɛli tɛɛi a kpaalə taɠaa yii yaan ə laa ə tɔwɔ. A pɛli gwɛli yɛli laa kpului ə́ tɔwɔ lowai ta yee mu. A pɛli nwɔnɔ ə naa kpulu ə́ tɔwɔ a yələ kəlee. Ɔlidinatɛɛliɠaai ə́ wɔ adɛlɛsə IP kaa ɉu, “ Watchtower ” a pɛli gwɛli yɛli laa kpului di tɔwɔ. Nui a kɛ internet tɛɛi ə́ pɔ, “ Watchtower ” a pɛli ə mo maa nu ɓa, yili ə gwɛli yɛli laa kpulu ə́ tɔwɔ. “ Watchtower ” a pɛli nwɔnɔ ə́i kalama ɓo kiti tee pɛlɛ la.
Dɔn nwooɠaa ŋɛi maa a kɛ hwalən ɉii
A kɛ́ a lowai taɠaa, “ Watchtower ” yɛ dɔn nwooɠaa ŋɛi maahwalən. “ Watchtower ” a di maahwalən, di pɔ mɛni a kɛ a ɓɛlowai da kɛ la gwɛli yɛli ɓa. Maanɛɛ yɛ́ gaa kɛlɛ-kɛlɛ akɛ daa di maahwalən.
Nu a mɛni ta kala, dɔn nwooɠaai maanɛɛ di giti tee la
“ New York ” (États-Unis) ŋɔ tɔn nwooɠaa ɓə di tɛɛ la diɛ mɛniɠaa hee gbanŋa yɛ hwilɛn na pələi maanɛɛ nu ə kóló kɛ la gwɛli yɛlii ŋɛi ɓa. Tɔn nwoo takpɛli hwa pɛli dɔn nwooɠaa tii həɠəi ma. Nu a mɛni ta kala yɛ hwilɛn na pələi maanɛɛ nu ə kóló kɛ la gwɛli yɛlii ŋɛi ɓa, da giti tee a “ New York ” (États-Unis) ŋɔ tɔn nwooɠaa.
Mɛni ta hwa dɔn nwooɠaa ŋɛi heɠə ma
Dɔn nwooɠaa ŋɛi hwilɛn ɉii pələi maanɛɛ nu ə kóló kɛ la gwɛli yɛlii ŋɛi ɓa, kiti tee pɛlɛ ta a kɛ ma ho hiɛi a da, yili mukulaa hwaa dɔn nwoo yiiɠaa tii daa ɉəɠə ma. Dɔn nwooɠaa ŋɛi hwilɛn ɉii pələi maanɛɛ nu ə kóló kɛ la gwɛli yɛlii ŋɛi ɓa, “ Watchtower ” awala hiɛ a da mɛni ta hu, yili mukulaa hwaa dɔn nwoo tii aa ɉəɠə ma.
Yii gaa ka lowai
Yii ka “ Watchtower ” ka lowai kóló kɛ mɛni ɓa gwɛli yɛlii ŋɛi ɓa, dɔn nwoo ninɛɠaa ŋɛi ɓə vilɛnŋaa ma. Dɔn nwoo pɔlɔɠaa tii kɛ ka lowai kóló kɛ mɛni ɓa gwɛli yɛlii ŋɛi ɓa di ho kea ma.