¿Kasa choʼujaaka süpüla anain sukuwaʼipa wayuu sümaa süpüshi?
Eeshii eekai namüin:
-
«Aijiraainjana».
-
«Washirüinjana».
-
«Nnojotsü tatüjaain aaʼu».
¿Jamüsüjaʼa saaʼin pümüin?
TÜ SÜMAKAT TÜ BIBLIAKAT
«Nnojotsü shiain anakuwaʼipalüin, naya anakuwaʼipaliika na wayuu aapakana nünüiki Maleiwa sümaa naaʼinrüin tü nümakat» (Lucas 11:28, Traducción del Nuevo Mundo).
¿JAMÜSÜ ANEETKA WAKUWAʼIPA WATÜJAALE SAAʼU TIA?
Aijiraajeena maʼin waya (Éfeso 5:28, 29).
Kojutüjiraajeena waya (Éfeso 5:33).
Paaʼinwajiraajeena waya (Marcos 10:6-9).
¿JAMÜSHII WANOUJÜINJANAKA SÜNAIN TÜ SÜMAKAT TÜ BIBLIAKAT?
Eesü piamasü kasa wanoujainjatka atuma tia:
-
Nia Maleiwa eʼitaaka shikii kaʼwayuuseinjanain otta kachooinjanain wayuu. Saashin tü Bibliakat, nükasaalajüin Jehová Adán sümaa Eva (Génesis 2:18-24). Nukumajala Jehová na wayuukana süpüla kapüshinjanain naya. ¿Jamüshii watüjaainjanaka saaʼu tia?
Süpüla anain maʼin pukuwaʼipa sümaa püpüshi, püchajaainjachi achiki Jehová süka niain keʼitaalain shikii wayuu süpüla kapüshin shia.
-
Naaʼinmajüin waya Maleiwa. Püchajaainjatü piakai sümaa püpüshi tü nümakat Jehová suluʼu tü Bibliakat süka «jülüjain maʼin jia naaʼin» (1 Pedro 5:6, 7, Traducción del Nuevo Mundo). Shia keeʼireeka naaʼin Jehová anain wakuwaʼipa. Otta anasü wakuwaʼipa sutuma tü nümakat wamüin (Proverbios 3:5, 6; Isaías 48:17, 18).
PÜSAKIREʼERA PAAʼIN
¿Kasa naaʼinrajatka na kaʼwayuuseshiikana otta na kachonshiikana süpüla anajiraain naya?
Puusüteerü anain tü susoutiakat suluʼu ÉFESO 5:1, 2 otta COLOSAS 3:18-21.
Eesüjaʼa kamalainjeerüle pümüin aashajeʼeraa tüü
¡EEJA WAAʼIN!
Pütchi anainjatka atuma wakuwaʼipa sümaa wapüshi
¿Kasa naaʼinrüinjatka na kaʼwayuuseshiikana, na kachonshiikana otta na tepichikana süpüla anainjatüin nakuwaʼipa?
¡EEJA WAAʼIN!
Talateetka atuma püpüshi: Paaʼinwajiraa jia
¿Kasa paaʼinrajatka süpüla nnojoluin müin pukuwaʼipa sümaa puʼwayuuse maʼaka saaʼin wayuu kepiajiraaka sümaa wayuu naatajatü?
WACHIKI
¿Jamüshii wekirajaainjanaka sünain tü Bibliakat?
Talatüsü maʼin naaʼin watta naalii wayuu sainküin mmaka süka nekirajaain sünain tü Bibliakat, yala, ekirajaashii sünain tü kasa natüjaweekat maʼin aaʼu na wayuukana. Pikirajaa sünain tü Bibliakat.
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.
