Wainma na wayuu kapüleekana amüin nanoujain sunoutaajeerüin tü mmapaʼakat soʼu 2024. ¿Jaleetche wapüla pütchi wayaawateetka anainjee sunoutaajeerüin tü mmapaʼakat?

 Ashajünüsü suluʼu tü Bibliakat najaʼttireerü Maleiwa tü müliakalü atuma waaʼin maaʼulu. «Meerü nülaʼajaakai saaʼin Maleiwa naʼwüira naya wayuukana, nnojoleerü outaa, nnojoleerü mojuu aaʼin, nnojoleerü aʼyalajaa jee nnojoleerü saalin wanee kasa», müshi chi Maleiwakai (Apocalipsis 21:4).

•   Süpüla pütüjaain saaʼu tü sümakat tü Bibliakat süchiki tü naaʼinrüinjatkat Maleiwa mapeena, paashajeʼera tü pütchikat «La esperanza real de un mañana mejor».

 Ashajünüsü suluʼu tü Bibliakat tü kasa anasü eejeetkat mapeena atütüleʼeraka waaʼin otta jimataka atuma waaʼin (Roma 15:13). Sutuma tü pütchi ashajünakat suluʼu tü Bibliakat, wayaawatüin saaʼu tü waaʼinrüinjatkat müliale waya atumawaa, maʼletsere waya otta ayuuijaale waya.

•   Pünaja tü videokot Juan Pablo Zermeño: Nnojolitchipa taya tamüiwaʼain süpüla pütüjaain saaʼu jamüin jimataka naaʼin wanee wayuu jee talataka naaʼin sutuma nikirajaain sünain tü Bibliakat mayaainjeʼe maʼletsein na kachonniikana nia.

•   Amülialaajeerü paaʼin sutuma tü sümakat tü Bibliakat nünaajaale wanee wayuu aikai maʼin püpüla, mojule paaʼin saaʼujee wanee kasa paainjaka jee shapaale maʼin paaʼin. Paashajeʼera tü pütchikat «¿Puedo encontrar consuelo en la Biblia?».

•   Pünaja tü videokot «Cambié las armas por la Biblia», süpüla pütüjaain saaʼu tü saainjakat wanee wayuu nnojotpuʼuka alin amüin wanee kasa sutuma surulaalüin shia. Anapejeʼe saaʼin sutuma tü aküjünakat suluʼu tü Bibliakat.

 ¿Aneesüche pukuwaʼipa jee sukuwaʼipa püpüshi soʼu juyakat 2024? Aneerü pukuwaʼipa sutuma tü sümakat tü Bibliakat. Pikirajaa wamaa sünain tü Bibliakat süpüla piyaawatüin saaʼu tü naaʼinrakat Maleiwa süpüla naapüin wanee anaa pümüin otta süpüla anain pukuwaʼipa nutuma watta kaʼi (Jeremías 29:11).