«Sutuma jaʼin maʼin chi kaʼikai otta miyoʼuin maʼin tü juyakat, müliasü saaʼin wüchii, wunuʼulia jee müliasü maʼin saaʼin wayuu. Ajaʼttüsü shipia wayuu sutuma katsüin maʼin tü wawai alatawaikat maaʼulu otta kapüleesü namüin na wayuukana nousütüin sünain tü kasa choʼujaakat namüin. Aʼayulaasü shiinaluʼu tü palaakat jee suluʼujee tia eesü süpüla outuin tü kasa chakat shiinaluʼu» (Sünüiki tia Inger Andersen, secretaria general de las Naciones Unidas otta Directora Ejecutiva del Programa de las Naciones Unidas para el Medio Ambiente, juulioʼu 25 soʼu 2023).

 ¿Nounteetche na sülaülashiikana mma paaʼinwajiraain naya süpüla nanouteʼerüin tü kasa amojujakat sukuwaʼipa tü mmakat? ¿Nanouteetche shia süpüla kaʼikat süpüshuaʼa?

 Süküjain tü Bibliakat süchiki wanee Sukuwaʼipa Aluwatawaa anouteʼerüinjatka süpüshuaʼa tü kasa amojujakat tü mmakat. Süküjain «nüikaleʼerüinjatü chi Maleiwa sirumatuʼujeʼewaikai sukuwaʼipa wanee aluwatawaa», aluwataainjachi nia saaʼu tü mmakat otta nia anouteʼerüinjachika sukuwaʼipa tü mmakat (Daniel 2:44). Nuluwataapa saaʼu tü mmakat «nnojoleerü jamajüin wayuu» sutuma wane yalejee otta nnojoleerü amojujaain tü mmakat natuma (Isaías 11:9).