Nütüjaa aaʼulu Jesús jamüin naaʼin wanee wayuu müliale nia atumawaa sümaa nnojoluin kasain naainjalain. Jamüshijaʼa nia aküjünüsü alawaa nüchiki, aʼyaajünüshi nia, aliʼrajünüshi sümaa nnojoluin kasain naainjain jee oʼutuna aaʼinchi nia. Mayaainjeʼe nnojoluin kasain naainjalain, nnojotsü niyoutajaain amaa naapajiraain nikii süpüla suʼttaainjatüin watta saalii wayuu (Mateo 20:28; Juan 15:13). Süka nuluwataaichipain nutuma Maleiwa, eejeerü jimataa aaʼin nutuma saaʼu mmakat sümaa najaʼlajeʼereerüin tü mojulawaakat (Isaías 42:3).

 Ashajünüsü suluʼu tü Bibliakat jameerüin sukuwaʼipa tü mmakat nuluwataapa Jesús:

•   «Soʼu palitchon kaʼi nnojoleechi eein chi mojulaashikai, piirakaale sümüin eepuʼule nia nnojoleechi yala. Akanasaʼa na wayuu anamiakana namüinjeerü tü mmakat otta shiimain talateenain naya süka aneerüin nakuwaʼipa» (Salmo 37:10, 11).

 ¿Kasa waaʼinrajatka süpüla kojutuin wamüin tü naaʼinrüitpakat Jesús wapüleerua jee tü naaʼinrüinjatkat mapeena? Nüküjain Jesús namüin na nikirajüinkana suluʼu Lucas 22:19, sotuinjatüin naaʼin tü kaʼi outakalü oʼu nia. Müshiijeseʼe noutkajaʼawaliin juyawai na aküjaliikana pütchi nüchiki Jehová süpüla sotuin naaʼin tü kaʼi outakalü oʼu Jesús. Wounejaain jia sünain tü Outkajawaa eere Sotuin Waaʼin Outuin Jesús aainjünüinjatka maatsoʼu 24 soʼu 2024, domingoʼuluinjatü tia.

Paapaja tü Outkajawaakat eere Sotuin Waaʼin outuin Jesús